තෙල් කාන්දු නිරීක්ෂණයට චන්ද්‍රිකා තාක්ෂණය

නාවික කර්මාන්තයේ වර්ධනය සහ වරාය සංවර්ධනය හේතුවෙන් ශ්‍රී ලංකා ජල තීරයේ යාත්‍රා කරන නෞකා සංඛ්‍යාව ඉහළ යමින් පවතින බැවින්, නෞකා මඟින් සිදු වන තෙල් විසිරීම් පිළිබඳව ඉක්මණින් තොරතුරු ලබා ගැනීම සඳහා ක්‍රමවේදයක් ස්ථාපිත කිරීමේ අවශ්‍යතාව හඳුනාගනු ලැබ තිබේ.

එවැනි ක්‍රමවේදයක් පැවතීම මඟින් නෞකා මඟින් සිදු වන සමුද්‍ර දූෂණය වැළැක්වීම සදහා ඉක්මන් ක්‍රියාමාර්ග ගැනීමටත්, ඒ සදහා වගකිව යුතු නෞකා හදුනාගැනීම සහ අදාළ නෛතික ක්‍රියාමාර්ග ගැනීමටත් හැකියාව ලැබෙනු ඇත.

ඒ අනුව, නියමු ව්‍යාපෘතියක් වශයෙන් ප්‍රංශයේ ආර්ථික හා මුදල් අමාත්‍යාංශය විසින් යුරෝ 601,810ක ප්‍රදානයක් Collected Localization Satellites (CLS) ආයතනය හරහා ලබා දීමට එකඟ වී ඇති අතර ඒ සඳහා අත්සන් තැබීමට යෝජිත කෙටුම්පත් අවබෝධතා ගිවිසුමට නීතීපතිවරයාගේ නිෂ්කාශනය ලැබී තිබේ. එකී අවබෝධතා ගිවිසුමට අත්සන් තැබීම පිණිස නාගරික සංවර්ධන හා නිවාස අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.