වෙළෙඳපොළ අපේක්ෂා වැඩි දියුණු වීම හේතුවෙන් රජයේ සුරැකුම්පත් මත ඵලදා අනුපාතික ද සැලකිය යුතු ලෙස අඩු විය.
දේශීය ණය ප්‍රශස්තකරණ ක්‍රියාවලිය සඳහා වූ පුළුල් රාමුව මේ වන විට ප්‍රකාශයට පත් කර ඇති බැවින් රජයේ සුරැකුම්පත් මත ඵලදා අනුපාතික හා සම්බන්ධ අවදානම් නුදුරු කාලීනව අඩුවනු ඇතැයි අපේක්ෂා කරන අතර එමඟින් රජයේ සුරැකුම්පත් මත ඵලදා අනුපාතිකවල හැසිරීම පදනම් කරගත් අනෙකුත් වෙළෙඳපොළ පොලී අනුපාතික තවදුරටත් අඩුවනු ඇත.
ඒ අනුව, ප්‍රතිපත්ති පොලී අනුපාතිකය සහ වෙළෙඳපොළ පොලී අනුපාතික අතර පරතරය තවදුරටත් අඩුවනු ඇතැයි අපේක්ෂා කරන අතර, එමඟින් වෙළෙඳපොළ පොලී අනුපාතික ප්‍රතිපත්ති පොලී අනුපාතික හා අනුකූලවනු ඇත.
කෙසේවෙතත් උද්ධමනය පහළ යෑමත් සමඟ ඉදිරි කාලීන මූර්ත පොලී අනුපාතික ධන අගයක පවතිනු ඇති අතර එමඟින් ඉදිරි කාලය තැළ දී ඇතිවිය හැකි අහිතකර ඉල්ලුම් පීඩන පාලනය කිරීම සඳහා ප්‍රමාණවත් වන පරිදි මුදල් තත්ත්ව දැඩිව පවත්වා ගනියි.
දැඩි මුදල් සහ ණය තත්ත්වයන්ගේ බලපෑම මෙන්ම ආර්ථික ක්‍රියාකාරකම් පහළ යෑම පිළිබිඹු කරමින් වානිජ බැංකු විසින් පෞද්ගලික අංශය වෙත ලබා දුන් ණය අඛණ්ඩව නවවෙනි මාසයටත් 2023 පෙබරවාරි මාසය තුළ දී සංකෝචනය විය.
බැංකු පද්ධතියේ ශුද්ධ විදේශීය වත්කම් ඉහළ ගියද 2023 පෙබරවාරි මාසය තුළ දී පුළුල් මුදල් සැපයුමේ (M2b) වාර්ෂික ලක්ෂ්‍යමය වර්ධනය ද මන්දගාමී විය.
2023 වසරේ 03 වැනි මුදල් ප්‍රතිපත්ති විවරණය ප්‍රකාශයට පත්කරමින් ශ්‍රී ලංකා මහ බැංකුව මේ බව සඳහන් කරයි.
The post තැන්පතු සහ ණය පොලී අනුපාතික අඛණ්ඩව පහළට appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka