ණය ප්‍රතිව්‍යූහගතකරණයට චීන සහාය. මුදල් අමාත්‍යාංශයෙන් නිල නිවේදනයක්

ශ්‍රී ලංකාවේ විදෙස් ණය ප්‍රතිව්‍යූහගතකරණය සම්බන්ධයෙන් චීන එක්සිම් බැංකුව සහ ශ්‍රී ලංකා රජය අතර ප්‍රතිපත්තිමය එකඟතාවයකට පැමිණ ඇති බව මුදල් අමාත්‍යාංශය නිවේදනයක් නිකුත් කරමින් සඳහන් කරයි.

මෙම ගිවිසුම හරහා ශ්‍රී ලංකාව චීන එක්සිම් බැංකුවෙන් ලබා ගෙන ඇති ඩොලර් බිලියන 4.2ක පමණ වන හිඟ ණය ආවරණය කෙරෙනු ඇත.

මෙය ශ්‍රී ලංකාවේ දිගු කාලීන ණය තිරසාරභාවය ප්‍රතිෂ්ඨාපනය කිරීමේ ප්‍රධාන පියවරක් වන අතර එය කඩිනම් ආර්ථික ප්‍රකෘතියකට මග පාදනු ඇති බව මුදල් අමාත්‍යාංශ්‍ය වැඩිදුරටත් කියා සිටී.

මෙම සුවිශේෂී සංධිස්ථානයත් සමඟින් බැඳුම්කර හිමියන් ඇතුළු නිල ණය හිමියන්ගේ කමිටුව සහ වාණිජ ණය හිමියන් සමඟ ඔවුන්ගේ අඛණ්ඩ සබඳතාවයට සහාය සපයනු ඇතැයි ශ්‍රී ලංකා බලධාරීන් බලාපොරොත්තු වේ. එය ඉදිරි සතිවලදී IMF සහාය දක්වන වැඩසටහනේ පළමු සමාලෝචනය සඳහා IMF විධායක මණ්ඩලයේ අනුමැතිය සඳහා පහසුකම් සලසනු ලබනු ඇති අතර, IMF මූල්‍යකරණයේ ඊළඟ වාරිකය ඇමරිකානු ඩොලර් මිලියන 334 ක් පමණ බෙදා හැරීමට ඉඩ සලසනු ඇති බව වැඩිදුරටත් සඳහන් වේ.

The post ණය ප්‍රතිව්‍යූහගතකරණයට චීන සහාය. මුදල් අමාත්‍යාංශයෙන් නිල නිවේදනයක් appeared first on Adaderana Biz Sinhala | Sri Lanka Business News.