ඩොලරය පහළ යද්දී පවුම්, යූරෝ, යෙන් ඉහළට

ශ්‍රී ලංකා මහ බැංකුව විසින් නිකුත් කරන ලද දෛනික විනිමය අනුපාතික සටහනට අනුව එක්සත් ජනපද ඩොලරයක මිල අද (11) දිනයේ දී රු. 307.56 ක් දක්වා පහළ ගොස් තිබේ. පූර්ව වෙළෙඳපොළ දිනය වූ පසුගිය මාර්තු 07 දා ඩොලරයක මිල වාර්තා වූයේ රු. 307.81 ක් ලෙසිනි.

කෙසේවෙතත් ශ්‍රී ලංකා රුපියලට සාපේක්ෂව ඩොලරයේ අවප්‍රමාණය වීමක් දැකිය හැකි වුවද ප්‍රධාන විනිමය කිහිපයකම රුපියල් අගයයන් අද දින ඉහළ ගොස් තිබීම විශේෂත්වයකි. එහිදී ජපන් යෙන් රු. 2.0689 සිට රු. 2.093 ක් දක්වා ද, බ්‍රිතාන්‍ය ස්ටර්ලිං පවුමක මිල රු.  391.63 සිට රු. 395.26 ක් දක්වා ද, යූරෝවක මිල රු. 335.33 සිට රු. 336.48 දක්වා ද, ඕස්ට්‍රේලියානු ඩොලරයක වටිනාකම රු. 202.05 සිට රු. 203.39 ක් දක්වා ද වැඩි වී ඇත.

මේ පිළිබඳ ශ්‍රී ලංකා මහ බැංකුව අද දින ප්‍රකාශයට පත්කර ඇති සටහන් කිහිපයක් පහතින් දැක්වේ.

The post ඩොලරය පහළ යද්දී පවුම්, යූරෝ, යෙන් ඉහළට appeared first on Adaderana Biz Sinhala | Sri Lanka Business News.