සති 6ක කාලයක් ඇතුළත නව අතුරු අයවැයක් ඉදිරිපත් කිරීමට කටයුතු කරනු ලබන බව අග්‍රාමාත්‍ය රනිල් වික්‍රමසිංහ මහතා පවසයි. රොයිටර් පුවත් සේවය සමඟ සම්මුඛ සාකච්ඡාවක දී ඊයේ (25) දිනයේ දී අග්‍රාමාත්‍යවරයා මේ බව පැවසූ අතර ඔහු අද දිනයේ දී මුදල්, ආර්ථික ස්ථායීකරණ හා ජාතික ප්‍රතිපත්ති අමාත්‍ය ධූරයේ දිවුරුම් දෙන ලදී.
මෙම සාකච්ඡාවේ දී වැඩිදුරටත් අදහස් දක්වමින් අග්‍රාමාත්‍යවරයා පැවසුවේ අතුරු අයවැයේ දී යටිතල පහසුකම් ව්‍යාපෘති සඳහා දරන ප්‍රාග්ධන වියදම් කපා හරිමින් ඒවා සුභසාධනය සඳහා විතැන් කරනු ලබන බවයි.
එසේම මේ වන විට රජයට රුපියල් ආදායම් අහිමි වී ඇති බවත් මේ හේතුවෙන් තවත් රුපියල් ට්‍රිලියනයක් මුද්‍රණය කිරීමට සිදුව ඇති බවත් අග්‍රාමාත්‍යවරයා මෙහිදී පවසා ඇත.
මේ හේතුවෙන් ඉදිරි මාසවලදී වාර්ෂික උද්ධමනය 40% ඉක්මවා යා හැකි බවට අග්‍රාමාත්‍යවරයා අනතුරු අඟවා තිබේ.
ඡායාරූපය – REUTERS පුවත් සේවයේ ADNAN ABIDI විසිනි
The post ට්‍රිලියනයක් අච්චු ගහන්න සිදුවෙලා – අගමැති රනිල් appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka