මේ සම්බන්ධයෙන් දීර්ඝ නිවේදනයක් නිකුත් කරමින් Fitch Ratings පවසන්නේ ඉහළ විදේශ ණය ගෙවීම් සහ සීමිත මූල්‍ය ගලා ඒම් හමුවේ ශ්‍රී ලංකාවේ බාහිර ද්‍රවශීලතා තත්ත්වය අයහපත් අතට හැරෙමින් පවතින බවයි. ඒ අනුව ඉදිරි මාසවල දී ණය පැහැර හැරීමක වැඩි සම්භාවිතාවක් කෙරෙහි Fitch Ratings හි අවධානය යොමුව ඇති බව ද අවධාරණය කර තිබේ.
මේ අතර Fitch Ratings පවසන්නේ සිය අවසන් සමාලෝචනයේ දී බලාපොරොත්තු වූවාටත් වඩා වැඩි වේගයකින් ශ්‍රී ලංකාවේ විදේශ විනිමය සංචිත පහත වැටී ඇති බවයි. විදේශ විනිමය සංචිතය අගෝස්තු මාසයේ සිට ඩොලර් බිලියන 2කින් පමණ අඩු වී ඇති අතර එය නොවැම්බර් අග වන විට ඩොලර් බිලියන 1.6 ක් දක්වා පහත වැටී ඇත්තේ මාසයකටත් වඩා අඩු බාහිර ගෙවීම්වලට ප්‍රමාණවත්භාවයක් පිළිබිඹු කරමිනි.
“2022 සහ 2023 දී නව බාහිර මූල්‍ය ප්‍රභවයන් නොමැති විට රජයට සිය විදෙස් ණය ගෙවීම් සපුරාලීම දුෂ්කර වනු ඇතැයි අපි විශ්වාස කරමු. මෙම ණය ගෙවීම් 2022 ජනවාරි මාසයේ දී ගෙවිය යුතු ඩොලර් මිලියන 500 ක ජාත්‍යන්තර ස්වෛරී බැඳුම්කර දෙකක් සහ 2022 ජූලි මාසයේ දී ඩොලර් බිලියන 1 ක ජාත්‍යන්තර ස්වෛරී බැඳුම්කර දෙකක් ඇතුළත් වේ. ඒ අනුව 2022 වසරේ දී ඩොලර් බිලියන 6.9 ක පොලී ද ඇතුළුව විදෙස් ණය ප්‍රමාණයක් පියවීමට ශ්‍රී ලංකාවට සිදුව ඇත. මෙය නොවැම්බර් අවසන් වන විට පැවති විදෙස් සංචිතය මෙන් 430% ක් පමණ වේ. 2022 සිට 2026 දක්වා ශ්‍රී ලංකාවේ සම්ච්ඡිත විදෙස් ණය සේවාකරණය ඩොලර් බිලියන 26 කි”, යනුවෙන් Fitch Ratings වැඩිදුරටත් මෙහිදී කියා සිටී.
The post ජාත්‍යන්තර ණය ශ්‍රේණි ආයතනයක් ශ්‍රී ලංකාව ගැන අනතුරු අඟවයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka