දිනයේ ගනුදෙනු අවසානයේ දී සියලු කොටස් මිල දර්ශක අගය ඒකක 80.62 කින් ඉහළ ගොස් ඒකක 10,593.90 ක් ලෙසින් සටහන් වූ අතර S&P SL20 දර්ශකය ඒකක 32.27 කින් ඉහළ ගොස් ඒකක 3,010.03 ක් ලෙසින් සටහන් වී තිබුණි.
ජෝන් කීල්ස් හෝල්ඩිංග්ස්, කොමර්ෂල් බැංකුව, මෙල්ස්ටාකෝප්, NDB සහ එයිට්කන් ස්පෙන්ස් යන සමාගම්වල කොටස් මිල ගණන් ඉහළ යාම්, දිනයේ සියලු කොටස් මිල දර්ශකයේ වර්ධනයට ඉහළ දායකත්වයක් ලබා දී තිබුණි.
රු. බිලියන 1.9 ක පිරිවැටුමක් අද දින වාර්තා වූ අතර එය පසුගිය දින කිහිපය තුළ දෛනික පිරිවැටුම් මට්ටම් හා සැසඳීමේ දී සාපේක්ෂව ඉහළ අගයක් වේ.
අද දින සාමාන්‍ය වෙළෙඳපොළ ගනුදෙනු හරහා ජෝන් කීල්ස් හෝල්ඩිංග්ස් (රු. මිලියන 772), එක්ස්පෝලංකා හෝල්ඩිංග්ස් (රු. මිලියන 216) සහ බ්‍රවුන්ස් ඉන්වෙස්ට්මන්ට්ස් යන සමාගම් විසින් දෛනික පිරිවැටුමට ඉහළ දායකත්වයක් ලබා දී තිබුණි.
කොළඹ කොටස් වෙළෙඳපොළ සඳහන් කරන පරිදි 2023 වසරේ මාස 11 ක් අවසානයේ දී සියලු කොටස් මිල දර්ශකය, වර්ෂ ආරම්භයට සාපේක්ෂව 24.79% ක වර්ධනයක් අත්පත් කර ගෙන තිබේ.
විදෙස් ණය ප්‍රතිව්‍යූහගතකරණය සම්බන්ධයෙන් ශ්‍රී ලංකාවේ ණය හිමි කමිටුව විසින් ඊයේ (29) දින සිය එකඟතාවය පළ කරනු ලැබූ අතර ඊට සමගාමීව ජාත්‍යන්තර මූල්‍ය අරමුදල ද සාධනීය ප්‍රතිචාරයක් දක්වා තිබුණි. එසේම ඊයේ (29) පැවති භාණ්ඩාගාර බිල්පත් වෙන්දේසියේ දී පොලී අනුපාතිකවල සැලකිය යුතු පහළ යාමක් ද වාර්තා වුණි.
මෙම පසුබිම තුළ විශ්වාසය ගොඩනැගීම හරහා ආයෝජකයින් යළිත් වරක් සක්‍රීය වන බවක් කොළඹ කොටස් වෙළෙඳපොළ ක්‍රියාකාරකම් නිරීක්ෂණයේ දී දැකගත හැකි වනු ඇත.
The post ජාත්‍යන්තර තීන්දු තීරණ මැද කොටස් වෙළෙඳපොළේ සුවිශේෂී ඉහළ යාමක් appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka