මෙම දිනවල මෙරට අධ්‍යයන සංචාරයක නිරත චීන විද්‍යා ඇකඩමියේ නියෝජිත මහාචාර්ය වෙයි යුඅනයොන්ග් මහතා සහ මහචාර්ය ලියු පිංගු මහත්මිය ඇතුලු කණ්ඩායමක් ශ්‍රී ලංකා ආයෝජන මණ්ඩලය යටතේ පවතින අපනයන කලාපවල අපජල කළමණාකරණය හා පරිසර ආරක්ෂණ වැඩ පිළිබදව අධ්‍යයනයක නිරත වේ.මෙම කණ්ඩායම කටුනායක බියගම හා අනෙකුත් අපනයන කලාප වෙත ගොස් කේෂ්ත්‍ර අධ්‍යයනයක නිරත වන අතර කොළඹ ලෝක වෙළද මධ්‍යස්ථානයේදි ශ්‍රී ලංකා ආයෝජන මණ්ඩලයේ සභාපති දිනේෂ් වීිරක්කොඩි මහතා හමුවේදී මහාචාර්යවරයා මේ බව පැවසීය.
චීන විද්‍යා ඇකඩමිය සහ ශ්‍රී ලංකා ආයෝජන මණ්ඩලය අතර අතර හරිත ආයෝජන කලාප ඇති කිරීමට අවබෝධතා ගිවිසුමක් ක්‍රියාත්මක කිරීමට අපේක්ෂා කෙරේ.
ඒ් තුලින් ඒකාබද්ධ පාරිසරික කාර්මික උද්‍යාන සංකල්පය මත තිරසාර ක්‍රමෝපායන් භාවිතය සමඟ වනගහනය පාරිසරික හැඩතල ශක්තිමත් කරනවා පමණක් නොව ජාතික තිරසාර අරමුණු ඉටුකර ගැනීම සඳහා වැඩි ක්‍රියාකාරී කාර්යභාරයක් ඉටු කර ගැනීමට අපේක්ෂා කෙරේ.
ජල තත්ත්ව පිළිබඳ ඉහළම ප්‍රමිතීන් සහතික කිරීම සඳහා, ශ්‍රී ලංකා ආයෝජන මණ්ඩලය ව්‍යවසායන්හි පානීය ජලයේ ගුණාත්මකභාවය සහ පිරිපහදු කළ ජලයේ ගුණාත්මකභාවය පරීක්ෂා කිරීම සඳහා කැප වූ විශේෂිත පහසුකමක් නිර්මාණය කිරීමට ශ්‍රී ලංකා ආයෝජන මණ්ඩලය අපේක්ෂා කරයි. මහනුවර කර්මාන්ත උද්‍යාන පරිශ්‍රයේ අංගසම්පූර්ණ ජල තත්ත්ව රසායනාගාරයක් පිහිටුවීම මෙයට ඇතුළත් වේ.මීට අමතරව මෙම වැඩසටහන තුලින් සෑම ආයෝජන කලාපයකම පරිසර හිතකාමී වැඩසටහන් රැසක් ක්‍රියාවට නංවන අතර ඒ සදහා අවශ්‍ය පහසුකම්ද ලබා දේ.
මෙහිදී අදහස් දැක්වූ ශ්‍රී ලංකා ආයෝජන මණ්ඩලයේ සභාපති දිනේෂ් වීරක්කොඩි මහතා ශ්‍රී ලංකා ආයෝජන මණ්ඩලය සෑම විටම පරිසර හිතකාමී කර්මාන්ත වෙනුවෙන් ප්‍රමුඛත්වය ලබා දෙන අතර මෙවැනි පරිසර හිතකාමී ආයෝජන කලාප ඇතිවීම තුලින් ආයෝජන ආකර්ෂණය ඇතිවීමටත් එය හේතුවක් වන බව පැවසිය. පවතින ආයෝජන කලාප සියල්ල හරිත ආයෝජන කලාප බවට පත්කරන අතර ඉදිරයේදි ස්ථාපිත වන සියල්ල හරිත ආයෝපන කලාප මෙම අවස්ථාවට ශ්‍රී ලංකා ආයෝජන මණ්ඩලයේ විධායක අධ්‍යක්ෂ එම්.කේ.ඩී.ලෝරන්ස් , අධ්‍යක්ෂ අසංක වෙලගෙදර යන මහත්වරුද සහභාගි වූහ.
The post චීන විද්‍යා ඇකඩමිය සහ ශ්‍රී ලංකා ආයෝජන මණ්ඩලය අතර හරිත ආයෝජන කලාප ඇති කිරීමට අවබෝධතා ගිවිසුම් සැකසේ appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka