මෙම ප්‍රවර්ධන වැඩසටහන මඟින් දේශීයව ‘ඩීමෝ බට්ටා’ ලෙස සුපතල වාණිජ වාහන අංශයේ ප්‍රසිද්ධ TATA Ace HT2, මහින්ද්‍රා සහ ස්වරාජ් ට්‍රැක්ටර්, හා කෘෂි යන්ත්‍රෝපකරණ අංශයේ LOVOL සංයුක්ත අස්වනු නෙළන යන්ත්‍ර ආවරණය කරයි.
TATA Ace HT2 සඳහා ලබාදෙන විශේෂ වට්ටම් 2024 ජුනි 30 දක්වා වලංගු වන අතර, දැනට ලබාදෙන රුපියල් 600,000 ක සාමාන්‍ය වට්ටමට අමතරව DIMO වෙතින් රුපියල් 15,000 ක සුවිශේෂී වට්ටමක් සහ RMV හි නොමිලේ ලියාපදිංචිය ලබා දෙයි. කොමර්ෂල් බැංකුවේ ලීසිං පහසුකම් සඳහා ලබාදෙන සම්මත පොලී අනුපාතිකය මත 1% ක අඩු කිරීමක් බැංකුව විසින් ලබා දෙනු ඇත.
මෙම විශේෂ ලීසිං පහසුකම යටතේ, DIMO විසින් 2023 දෙසැම්බර් 1 වනදා සිට 2024 නොවැම්බර් 30 දක්වා කාලය තුළ ලබා ගන්නා මහින්ද්‍රා සහ ස්වරාජ් ට්‍රැක්ටර් සඳහා වසර හතරක පුළුල් වගකීමක්, නොමිලේ ගොවි කට්ටලයක් හා වසර දෙකක් සඳහා නොමිලේ තෙල් පෙරහන් ලබා දෙනු ඇත. 2023 දෙසැම්බර් 1 වනදා සිට 2024 නොවැම්බර් 30 දක්වා කාලය තුළ ලබා ගන්නා LOVOL සංයුක්ත අස්වනු නෙළන යන්ත්‍ර සඳහා වසරක පුළුල් වගකීමක් ද ලබා දෙයි. මෙම හවුල්කාරීත්වය යටතේ වාණිජ වාහන අංශය සහ කෘෂි යන්ත්‍රෝපකරණ අංශය ආවරණය කරමින් කොමර්ෂල් බැංකුව මගින් ලීසිං සඳහා සම්මත අනුපාතයට වඩා 0.5% ක් අඩු පොලී අනුපාතයක් ලබා දේ.
මීට අමතරව, ගොවීන්ගේ ආදායම් රටාවට අනුරූප වන කොමර්ෂල් බැංකුවේ ජනප්‍රිය ‘කන්න වාරික’ විකල්පයද ලබාදෙන අතර, එය අස්වැන්න නෙළන කාලය තුළ පමණක් ක්‍රියාත්මක වෙයි. එම පහසුකම ට්‍රැක්ටර් හා අස්වනු නෙළන යන්ත්‍රවල ලීසිං පහසුකම් සඳහා අදාළ වේ.
ශ්‍රී ලංකාවේ පරිසරයට කාබන් මුදාහැරීම 100% තුලනය කළ ප්‍රථම බැංකුව සහ ලෝකයේ හොඳම බැංකු 1000 අතරට පත්වු පළමු දේශීය බැංකුව වන කොමර්ෂල් බැංකුව මේ වනවිට දිවයින පුරා බැංකු ශාඛා 271 ක් සහ ස්වයංක්‍රීය යන්ත්‍ර 964 ක් ක්‍රියාත්මක කරයි. ශ්‍රී ලංකාවේ සුළු සහ මධ්‍යම පරිමාණයේ ව්‍යාපාර වලට විශාලතම ණය සම්පාදනය කරන්නා මෙන්ම දේශීය බැංකු ක්ෂේත්‍රයේ ඩිජිටල් නව්‍යකරණය සඳහා ප්‍රමුඛයෙකු වන කොමර්ෂල් බැංකුව බංග්ලාදේශය තුළ ශාඛා 20 ක් ද මියන්මාරයේ නේ පයිටව් හි, ක්ෂුද්‍ර මූල්‍යන සමාගමක් මෙන්ම මාලදිවයින තුළ බහුතර කොටස් හිමිකාරීත්වයෙන් යුතු පළමු පෙළ බැංකුවකින් සමන්විත විදේශීය මෙහෙයුමක් පවත්වාගෙන යන ශ්‍රී ලංකාවේ බැංකු අතර පුළුල්තම ජාත්‍යන්තර පිය සටහන තබා ඇති ශ්‍රී ලංකාවේ එකම පුද්ගලික වාණිජ බැංකුව ද වේ.
සේයාරු සටහන – කොමර්ෂල් බැංකුවේ කළමනාකාර අධ්‍යක්ෂ/ප්‍රධාන විධායක නිළධාරී සනත් මනතුංග මහතා හා නියෝජ්‍ය සාමාන්‍යාධිකාරී – පාරිභෝගික බැංකු සේවා සහ අලෙවිකරණ හස්රත් මුණසිංහ මහතා, DIMO සමූහ කළමනාකාර අධ්‍යක්ෂ/ප්‍රධාන විධායක නිළධාරී ගහනාත් පණ්ඩිතගේ මහතා හා අධ්‍යක්ෂ/ප්‍රධාන මෙහෙයුම් නිළධාරී රජීව් පණ්ඩිතගේ යන මහත්වරුන් අවබෝධතා ගිවිසුම හුවමාරු කිරීමේ අවස්ථාවට සීමාසහිත ටාටා මෝටර්ස් ලිමිටඩ්හි ශ්‍රී ලංකා කළමණාකාර සෞමිත්‍ර රෝයි මහතා, DIMO වාණිජ වාහන අලෙවි නියෝජ්‍ය සාමාන්‍යාධිකාරී සම්පත් කුමාරසිංහ මහතා හා කෘෂි යන්ත්‍රෝපකරණ අලෙවි නියෝජ්‍ය සාමාන්‍යාධිකාරී අමිල ද සිල්වා මහතා, කොමර්ෂල් බැංකුවේ පාරිභෝගික නිෂ්පාදන අංශයේ ප්‍රධාන කළමනාකාර දුෂ්මන්ත ජයසූරිය මහතා, පුද්ගලික ණය නිෂ්පාදන අංශයේ කළමනාකාර ගයාන් විජේසිංහ මහතා සහ විධායක නිළධාරී චන්ද්‍රි ප්‍රේමරත්න මහත්මිය යන මහත්ම මහත්මීන් සහභාගී වූහ.
The post කොමර්ෂල් බැංකුව සහ DIMO වෙතින් වාණිජ වාහන සහ කෘෂි යන්ත්‍රෝපකරණ සඳහා ලීසිං ප්‍රවර්ධන වැඩසටහනක් appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka