සියවස සැමරූ 2020 වසරේදී මෙලෙස ශක්තිමත්ම බැංකු සන්නාමය ලෙස කොමර්ෂල් බැංකුව නම් වූයේ පිට පිටම දෙවන වසරටයි. මෙම ගෞරවණීය සම්මානය දිනාගැනීම මගින් ශ‍්‍රී ලංකාවේ විශාලතම පුද්ගලික වාණිජ බැංකුව වන කොමර්ෂල් බැංකුවේ ශක්තිය තව තවත් තහවුරු වී තිබේ.
‘පසුගිය වසරේදී කොවිඞ් වසංගතයේ අභියෝගයට මුහුණ දෙමින් සන්නාමය පිටුපස තිබෙන ශක්තිය විදහා දැක්වීමට බොහෝ ව්‍යාපාරික අවස්ථාවන් අපට නිර්මාණය වුණා,’ යනුවෙන් මෙම සම්මානය පිළිබඳව අදහස් දක්වමින් කොමර්ෂල් බැංකුවේ කළමනාකාර අධ්‍යක්ෂ, එස්. රෙන්ගනාදන් මහතා පැවසීය. ‘මෙම ගෞරවණීය නම් කිරීම මගින් අපගේ සන්නාම ගොඩනැගීමේ උපාය මාර්ගය සහ අඛණ්ඩ කාර්ය සාධනය නැවත වරක් ඇගයීමට ලක්වීම පිළිබඳව අපි අතිශය සතුටට පත් වෙනවා. අපගේ සන්නාම ගොඩනැගීමේ ක‍්‍රියාවලිය ඉතාමත් සැලකිල්ලෙන් සිදුකරන අතර ඒ සඳහා සියළු මට්ටම්වල කළමනාකාරීත්වය සහ කාර්ය මණ්ඩලය සම්බන්ධ වෙනවා. ඒ සඳහා අපි සදාචාරාත්මක සහ තිරසාර ප‍්‍රවේශයක් අනුගමනය කරනවා. මේ ආකාරයේ සම්මානයක් ජයග‍්‍රහණය කිරීම මුළු කොමර්ෂල් බැංකු කණ්ඩායමට ධෛර්යක්.’
ශ‍්‍රී ලංකාවේ සියළු අංශවල ශක්තිමත් සන්නාම ලැයිස්තුවේ සමස්තයක් ලෙස තුන්වන ස්ථානය දිනාගැනීමට කොමර්ෂල් බැංකු සන්නාමය සමත්වී තිබේ.
ලෝකයේ ප‍්‍රමුඛතම සහ වඩාත් ස්වාධීන සන්නාම ඇගයීමේ සහ වර්ගීකරණ ආයතනයක් වන බ‍්‍රෑන්ඞ් ෆයිනෑන්ස් පී.එල්.සී. සමාගමේ මූලස්ථානය ලන්ඩනයේ පිහිටා තිබෙන අතර ශාඛා ජාලය ලොව පුරා ව්‍යාප්තව තිබේ. වාර්ෂිකව ශ‍්‍රී ලංකාව තුළ බ‍්‍රෑන්ඞ් ෆයිනෑන්ස් වර්ගීකරණය ප‍්‍රකාශයට පත්කරන්නේ LMD සඟරාව මගිනි.
ශ‍්‍රී ලංකාව තුළ වඩාත් සක‍්‍රීය සහ දිදුලන සන්නාමයක් වන කොමර්ෂල් බැංකුව සිය සන්නාමය ගොඩනැගීමේ ක‍්‍රියාවලිය තුළ ආයතනික සහ නිෂ්පාදන සන්නිවේදනය සහ බිම් මට්ටමේ පාරිභෝගික ක‍්‍රියාකාරී වැඩසටහන් අතර ශක්තිමත් සමබරතාවයක් රඳවා ගැනීමට සමත්වී තිබේ. සාම්ප‍්‍රදායික මාධ්‍යයට අමතරව බැංකුව සමාජ මාධ්‍ය සහ ඩිජිටල් මාධ්‍ය තුළ සහ ජාතික මෙන්ම පළාත් මට්ටමේ පාරිභෝගික ක‍්‍රියාකාරී වැඩසටහන් වලදී වඩාත් සක‍්‍රීයව කටයුතු කරයි. බැංකුවේ ශක්තිමත් පාරිභෝගික පදනම සමාජයේ සියළු අංශ වලින් සමන්විත වන අතර එයට ශ‍්‍රී ලංකාව පුරා විසිරී සිටින සියළුම සමාජ ආර්ථික කණ්ඩායම් ඇතුළත් වේ.
පරිසරයට කාබන් මුදාහැරීම සම්පූර්ණයෙන්ම තුලනය කළ ශ‍්‍රී ලංකාවේ එකම බැංකුව වන කොමර්ෂල් බැංකුව ලෝකයේ හොඳම බැංකු 1000 අතරට පිට පිටම 11 වතාවක් තේරී පත්වූ එකම ශ‍්‍රී ලාංකේය බැංකුව වන අතර මේ වනවිට දිවයින පුරා බැංකු ශාඛා 268 ක් සහ ස්වයංක‍්‍රීය යන්ත‍්‍ර 931 ක් ක‍්‍රියාත්මක කරයි. බංග්ලාදේශය තුළ ශාඛා 19 ක් ද මියන්මාරයේ නේ පයිටව් හි, ක්ෂුද්‍ර මූල්‍යන සමාගමක් මෙන්ම මාලදිවයින තුළ බහුතර කොටස් හිමිකාරීත්වයෙන් යුතු පළමු පෙළ බැංකුවකින් සමන්විත විදේශීය මෙහෙයුමක් පවත්වාගෙන යන ශ‍්‍රී ලංකාවේ එකම පුද්ගලික වාණිජ බැංකුව කොමර්ෂල් බැංකුව වේ.
The post කොමර්ෂල් බැංකුව යළිත් ශ‍්‍රී ලංකාවේ ‘ශක්තිමත්ම බැංකු සන්නාමය’ ලෙස නම් වෙයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka