කොටස් වෙළෙඳපොළ ඉහළට

අද (28) දිනයේ කොළඹ කොටස් වෙළඳපොළ ගනුදෙනු අවසානයේ සියලු කොටස් මිල දර්ශකය ඒකක 97.25 (0.99% ) කින් ඉහළ ගොස් ඒකක 9,958.87 ලෙසින් වාර්තා විය.

මේ අතර S&P SL20 දර්ශකය ඒකක 19.97 කින් හෙවත් 0.63% කින් ඉහළ ගොස් දිනයේ ගනුදෙනු අවසානයේ දී ඒකක 3,184.48 ක් ලෙසින් දැක්වුණි.

අද දින සමස්ත ගනුදෙනු පිරිවැටුම රු. බිලියන 3.13 ක් ලෙසින් සටහන් විය.

එහිදී දේශීය මිල දී ගැනීම් රු. බිලියන 3.06 ක් හා දේශීය විකිණුම් රු. බිලියන 3.08 ක් ලෙසින් සටහන්ව තිබුණි.

පසුගිය දින කිහිපය පුරාවට විදේශීය මිල දී ගැනීම් හි කැපීපෙනෙන වර්ධනයක් දක්නට ලැබුණු ද අද දින විදෙස් ආයෝකයින්ගේ සහභාගීත්වය සැලකිය යුතු ලෙස පහළ ගොස් තිබුණි. එහිදී විදේශීය මිල දී ගැනීම් රු. මිලියන 71.85 ක් හා විදේශීය විකිණුම් රු. මිලියන 50.07 ක් ලෙසින් සටහන්ව තිබේ.

දිනය තුළ සියලු කොටස් මිල දර්ශකයේ ඉහළ යාම සඳහා සමාගම් 123 ක් ධනාත්මක දායකත්වයක් ලබා දී තිබූ අතර වැලිබල් වන්, සම්පත් බැංකුව, රෝයල් සෙරමික්ස් ලංකා, එයිට්කන් ස්පෙන්ස් හා ලංකා වෝල්ටයිල් යන සමාගම් මෙලෙස සියලු කොටස් මිල දර්ශකයේ වර්ධනයට ඉහළ දායකත්වයක් ලබා දුන් සමාගම් අතර කැපී පෙනුනි.

The post කොටස් වෙළෙඳපොළ ඉහළට appeared first on Adaderana Biz Sinhala | Sri Lanka Business News.