කොටස් වෙළෙඳපොළ අදත් පහළට

කොළඹ කොටස් වෙළෙඳපොළ මිල දර්ශකවල අඛණ්ඩව දෙවැනි දිනයටත් පහළ යාමක් අද (17) දිනයේ දී වාර්තා විය.

එහිදී සියලු කොටස් මිල දර්ශක අගය පෙර දිනයට සාපේක්ෂව ඒකක 178.89 ක හෙවත් 1.97% කින් පහළ ගිය අතර දිනය අවසානයේ දී එය ඒකක 8,907.35 ක් ලෙසින් සටහන්ව තිබුණි.

මේ අතර S&P SL20 දර්ශකය ඒකක 90.59 කින් හෙවත් 2.98% කින් පහළ ගොස් දිනයේ ගනුදෙනු අවසානයේ දී ඒකක 2,947.00 ක් ලෙසින් දැක්වුණි.

රු. බිලියන 3.76 ක ගනුදෙනු පිරිවැටුමක් අද දින වාර්තා විය.

LOLC, එක්ස්පෝලංකා හෝල්ඩිංස්ග්, බ්‍රවුන්ස් ඉන්වෙස්ට්මන්ට්ස්, සම්පත් බැංකුව හා රෝයල් සෙරමික් යන සමාගම්වල කොටස් මිල පහළ යාම දිනය තුළ සියලු කොටස් මිල දර්ශකයේ කඩාවැටීමට වැඩි වශයෙන් හේතු වී තිබුණි. එම සමාගම් ද ඇතුළුව සමාගම් 130 ක කොටස් මිල පහළ යාම් සියලු කොටස් මිල දර්ශකයේ හැසිරීමට සෘණාත්මක අයුරින් දායක වී තිබුණි.

 

 

The post කොටස් වෙළෙඳපොළ අදත් පහළට appeared first on Adaderana Biz Sinhala | Sri Lanka Business News.