එහිදී පෙර දිනයට සාපේක්ෂව සියලු කොටස් මිල දර්ශකය ඒකක 272.74 කින් හෙවත් 2.48% කින් හා S&P SL20 දර්ශකය ඒකක 106.39 කින් හෙවත් 3.36% කින් ඉහළ යන ලදී.
ඒ අනුව දිනයේ ගනුදෙනු අවසානයේ දී සියලු කොටස් මිල දර්ශක අගය ඒකක 11,257.82 ක් ලෙසත්, S&P SL20 දර්ශක අගය ඒකක 3,273.76 ක් ලෙසත් සටහන් වී තිබුණි.
මූලික වශයෙන් අද දින මෙලෙස කොටස් වෙළෙඳපොළ ඉහළ කාර්යසාධනයක් වාර්තා කිරීම සඳහා බැංකු සමාගම්වල කොටස් මිල ගණන් ඉහළ යාම කැපීපෙනුනි. එහිදී කොමර්ෂල් බැංකුව, සම්පත් බැංකුව සහ හැටන් නැෂනල් බැංකුව සියලු කොටස් මිල දර්ශකයේ වර්ධනයට වැඩි දායකත්වයක් ලබා දී තිබුණි.
අද දින රු. බිලියන 3.36 ක ගනුදෙනු පිරිවැටුමක් වාර්තා වූ අතර දේශීය මිල දී ගැනීම් රු. බිලියන 2.50 ක් හා දේශීය විකිණුම් රු. බිලියන 3.19 ක් ලෙසින් එහිදී වාර්තා විය.
මෙහිදී කැපීපෙනුනු තවත් සුවිශේෂී සිදුවීමක් වූයේ රු. මිලියන 858 ක විදේශීය මිල දී ගැනීම් ප්‍රමාණයක් වාර්තා වී තිබීමයි. අද දින විදේශීය විකිණුම් රු. මිලියන 162 ක් ලෙසින් සටහන් විය.
The post කොටස් වෙළෙඳපොළේ වාර්තාගත වර්ධනයක්. විදෙස් ආයෝජකයෝ සක්‍රීය වෙති appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka