කොටස් වෙළෙඳපොළේ රු. බිලියන 11ක දැවැන්ත ගනුදෙනුවක්

අද (07) පෙරවරුවේ දී කොටස් වෙළෙඳපොළ දෛනික පිරිවැටුම රු. බිලියන 11 සීමාව ඉක්මවා යනු ලැබීය.

එහිදී ගනුදෙනු ආරම්භ වී පළමු මිනිත්තුව ඇතුළත ජෝන් කීල්ස් හෝල්ඩිංග්ස් පීඑල්සී හි දැවැන්ත කොටස් ගනුදෙනුවක් සිදුවූ අතර ඒ හරහා රු. බිලියන 11.28 ක පිරිවැටුමක් වාර්තා වුණි.

ජෝන් කීල්ස් හෝල්ඩිංග්ස් පීඑල්සී හි 7 වැනි ස්ථානයට විශාලතම කොටස් හිමියා වූ Citigroup Global Markets Limited Agency Trading Prop Securities A/C විසින් තමන් සතුව තිබූ 61,904,939 ක කොටස් ප්‍රමාණයක් මෙහිදී අලෙවි කර තිබුණි. එය ජෝන් කීල්ස් හෝල්ඩිංග්ස් හි ප්‍රකාශිත ප්‍රාග්ධනයෙන් 4.5% ක ප්‍රමාණයකි.

මෙය Citigroup Global Markets Limited Agency Trading Prop Securities A/C හි අභ්‍යන්තර කොටස් හුවමාරුවක් බව කොටස් වෙළෙඳපොළ ආරංචි මාර්ග සඳහන් කරයි.

එසේම මෙය විදෙස් පාර්ශව දෙකක් අතර සිදුවූ ගනුදෙනුවක් බවට ද වාර්තා වේ.

The post කොටස් වෙළෙඳපොළේ රු. බිලියන 11ක දැවැන්ත ගනුදෙනුවක් appeared first on Adaderana Biz Sinhala | Sri Lanka Business News.