කොටස් වෙළෙඳපොළෙන් තවත් වාර්තාවක්. සියලු කොටස් දොළොස් දහසේ කඩඉම පසුකරයි

කොළඹ කොටස් ‌වෙළෙඳපොළ ඉතිහාසයේ තවත් ‌ඓතිහාසික මංසලකුණක් සනිටුහන් කරමින් ඉතිහාසයේ පළමු වරට සියලු කොටස් මිල දර්ශක අගය ඒකක 12,000 සීමාව අද (24) දිනයේ දී ඉක්මවා යන ලදී.

මේ අනුව දිනයේ ගනුදෙනු අවසානයේ දී සියලු කොටස් මිල දර්ශක අගය ඒකක 12,070.68 ක් ලෙසින් වාර්තා වූ අතර එය පෙර දිනයට සාපේක්ෂව ඒකක 119.45 ක ඉහළ යාමකි.

මේ අතර නත්තල් දිනය හෙට (25) ට යෙදී ඇති බැවින් අද දින අතිරේක දින භාගයක නිවාඩුවක් කොළඹ කොටස් වෙළෙඳපොළ විසින් ප්‍රකාශයට පත් කර තිබුණි.

එබැවින් අද දින ගනුදෙනු සැසිය පෙරවරු 11.00 සිට පස්වරු 12.30 දක්වා මිනිත්තු 90 ක කාලයකට පමණක් සීමා විය.

රු. බිලියන 2.84 ක ගනුදෙනු පිරිවැටුමක් අද දින වාර්තා විය.

 

 

The post කොටස් වෙළෙඳපොළෙන් තවත් වාර්තාවක්. සියලු කොටස් දොළොස් දහසේ කඩඉම පසුකරයි appeared first on Adaderana Biz Sinhala | Sri Lanka Business News.