සන්නාම සහ ආයතනික විශිෂ්ටත්වය සැමරීම වෙනුවෙන් වාර්ෂිකව සංවිධානය කෙරෙන මෙරට උත්කර්ෂවත්ම අවස්ථාව ලෙස සැලකෙන SLIM සන්නාම විශිෂ්ටතා සම්මාන උළෙලේ දී එලායන්ස් ෆිනෑන්ස් සමාගමේ ව්‍යාපාරික දර්ශනය සහ එහි සාර්ථකත්වය වෙනුවෙන් නොසැලෙන කැපවීම මෙහි දී ඇගයීමට ලක් කෙරිණි. එමෙන් ම මෙම සම්මානය එලායන්ස් ෆිනෑන්ස් සමාගම, තිරසාරත්වය මූලික කර ගනිමින් මෙරට මූල්‍ය ක්ෂේත‍්‍රය තුළ විප්ලවීය වෙනසක් සිදු කිරීමට ගෙන යන සාර්ථක වැඩ පිළිවෙළ සඳහා හොඳම සාක්ෂියකි.
මෙම ජයග‍්‍රහණය පිළිබඳ ව සිය අදහස් දක්වමින් එලායන්ස් ෆිනෑන්ස් සමාගමේ නියෝජ්‍ය සභාපති / කළමනාකාර අධ්‍යක්ෂ රොමානි ද සිල්වා මහතා ප‍්‍රකාශ කළේ, ” මෙවර SLIM සම්මාන විශිෂ්ටතා සම්මාන උළෙලේ දී ‘වසරේ හරිත සන්නාමය‘ ලෙස එලායන්ස් ෆිනෑන්ස් සමාගම සම්මානයෙන් පිදුම් ලැබීම අපට ඉමහත් ගෞරවයක්. මෙම ඇගයීම අපගේ සමස්ත ආයතනික ආචාරධර්ම පද්ධතිය වෙත තිරසාරත්වය ළඟා කර ගැනීම වෙනුවෙන් අප ගෙන යන වැඩපිළිවෙළ අඛණ්ඩව ක‍්‍රියාත්මක කිරීම සඳහා උත්තේජනය සපයනවා.” යනුවෙනි.
මෙම සම්මානය මගින් එලායන්ස් ෆිනෑන්ස් සමාගමේ පාරිසරික භාවිතයන් අඛණ්ඩව පවත්වාගෙන යාම මෙන්ම, සමාජ සත්කාරක වැඩසටහන් ක‍්‍රියාත්මක කිරීම වෙනුවෙන් නොපසුබස්නා කැපවීම ද අවධාරණය කරයි. කල්බදු දී ඇති සෑම වාහනයක් වෙනුවෙන්ම ගස් 50 බැගින් වෙන් කිරීම, ළමුන් විසින් අනාගත ළමුන් සදහාම නිර්මාණය කරන ලද වනාන්තරයක් AFC ‘හපන්නු‘ වනාන්තරය වැනි පරිසර හිතකාමී ව්‍යාපෘති සඳහා දායකත්වය ලබා දීම ආදී වැඩසටහන් ගණනාවක් ක‍්‍රියාත්මක කරමින් හරිත මූල්‍යකරණය වෙනුවෙන් කැප වන එලායන්ස් ෆිනෑන්ස් සමාගම, විවෘත කරන සෑම ළමා ඉතුරුම් ගිණුමක් වෙනුවෙන්ම එක් ගසක් සිටුවීම වැනි විවිධ සමාජ සත්කාරක වැඩසටහන් රාශියක් ක‍්‍රියාත්මක කරයි.
87ක් වන සිය ශක්තිමත ශාඛා ජාලය හරහා වසර පුරා පාරිසරික හා සමාජ තිරසාර ව්‍යාපෘති සඳහා සක‍්‍රීයව දායකත්වය ලබා දෙන එලායන්ස් ෆිනෑන්ස් සමාගම, හරිත අනාගතයක් ගොඩ නැංවීම සඳහා නිරන්තරයෙන් කැපවෙයි.
”තිරසාර සංවර්ධනය සඳහා අපගේ ස්ථිර සාර කැපවීමට මෙම සම්මානය උත්පේ‍්‍රරකයක්. ඒ වගේම මෙම ජයග‍්‍රහණය ම`ගින්, ශ‍්‍රී ලංකාව තුළ වඩා තිරසාර සහ පරිසර හිතකාමී අනාගතයක් සහතික කරමින් හරිත ප‍්‍රතිපත්ති ආශ‍්‍රිත අපගේ මෙහෙයුම් කටයුතු තවත් ශක්තිමත් කරනවා.” යනුවෙන් රොමානි ද සිල්වා මහතා වැඩිදුරටත් පැවසීය.
The post එලායන්ස් ෆිනෑන්ස් සමාගම, 2023 SLIM සන්නාම විශිෂ්ටතා සම්මාන උළෙලෙහි දී වසරේ හරිත සන්නාමයට හිමි සම්මානය දිනා ගනී appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka