එක්ස්පෝලංකා අංක 1ට. ශ්‍රී ලංකාවේ විශාලතම සමාගම බවට පත්වෙයි. LOLC සමඟ කරට කර සටනක්

ශ්‍රී ලංකාවේ විශාලතම ලැයිස්තුගත සමාගම බවට එක්ස්පෝලංකා හෝල්ඩිංග්ස් පීඒල්සී ඊයේ (23) දිනයේ පත්විය. ඒ සමාගමේ කොටසක අවසන් ගනුදෙනු මිල රු. 122.75 ක් ලෙසින් සටහන් වීමත් සමඟ ඒක්ස්පෝලංකා හෝල්ඩිංග්ස් පීඒල්සී හි වෙළෙඳපොළ ප්‍රාග්ධනීකරණය රු. බිලියන 239 ක් ඉක්මවා යාමත් සමඟිනි.

මේ අනුව මෙතෙක් මෙම ලයිස්තුවේ පළමු තැන සිටි LOLC හෝල්ඩිංග්ස් පීඒල්සී හි අංක 2ට පත්වී සිටින්නේ ‌රු. බිලියන 233.56 ක වෙළෙඳපොළ ප්‍රාග්ධනීකරණයකට හිමිකම් කියමිනි.

ඒක්ස්පෝලංකා සහ LOLC මේ වන විට සමස්ත කොටස් වෙළෙඳපොළෙන් පිළිවෙලින් 6.77% කට හා 6.58%කට හිමිකම් කියනු ලබයි.

මේ අතර ඊයේ (23) දිනය වන විට රු. බිලියන 100 ඉක්මවූ ‌වෙළෙඳපොළ ප්‍රාග්ධනීකරණයකට හිමිකම් කියූ සමාගම් 6 ක් දැකිය හැකි වූ අතර ඒයින් 3ක්ම LOLC සමූහයේ සමාගම් වීම විශේෂත්වයකි. ඒනම් LOLC හෝල්ඩිංග්ස්, LOLC ඩිවලොප්මන්ට් ෆයිනෑන්ස් සහ බ්‍රවුන්ස් ඉන්වෙස්ට්මන්ට්ස් යන සමාගම් 3 යි.

මෙම ලැයිස්තුවේ තෙවන හා සිව්වන ස්ථානවල පිළිවෙලින් ජෝන් කීල්ස් හෝල්ඩිංග්ස් හා ලංකා දුම්කොළ සමාගම පසුවේ.

ඊයේ දිනය වන විට කොළඹ කොටස් ‌වෙළෙඳපොළ සමස්ත වෙළෙඳපොළ ප්‍රාග්ධනීකරණය රු. බිලියන 3,774.48 ක්වූ අතර ඒය 2021 වසරේ මේ දක්වා කාලය තුළ දී 27.49% කින් වර්ධනය වී ඇත.

The post එක්ස්පෝලංකා අංක 1ට. ශ්‍රී ලංකාවේ විශාලතම සමාගම බවට පත්වෙයි. LOLC සමඟ කරට කර සටනක් appeared first on Adaderana Biz Sinhala | Sri Lanka Business News.