එකී කම්හල පිහිටි ඉඩම සහ කම්හලේ ගොඩනැගිලි වසර 30ක කාලසීමාවක් සඳහා දේශීය ආයෝජන සමාගමක් වන කොරියන් ස්පා පැකේජින් පුද්ගලික සමාගම වෙත ලබා දීම පිණිස මීට පෙර අමාත්‍ය මණ්ඩල අනුමැතිය ලබ දී ඇති නමුත් අදාළ ඉඩම විධිමත් පරිදි සීමාසහිත ජාතික කඩදාසි සමාගම වෙත ලබා දීමට කටයුතු කර නොතිබූ බැවින්, එකී අමාත්‍ය මණ්ඩල තීරණය පරිදි කටයුතු කිරීමට හැකි වී නොමැත.
එම කම්හල පිහිටි අක්කර 111 රූඩ් 02 පර්චස් 33 ක ඉඩම, දීර්ඝකාලීන බදු පදනම මත සීමාසහිත ජාතික කඩදාසි සමාගම වෙත ලබා දීම සඳහා මේ වන විට කටයුතු කෙරෙමින් පවතී.
සීමාසහිත ජාතික කඩදාසි සමාගම සහ කොරියන් ස්පා සමාගම සමඟ එකඟතාවකට පැමිණ ඇති කොන්දේසි සහිත ගිවිසුමකට එළඹීමෙන් අනතුරුව, ඇඹිලිපිටිය කඩදාසි කම්හලෙහි නිෂ්පාදන කටයුතු රාජ්‍ය හා පෞද්ගලික හවුල්කාරීත්ව ක්‍රමවේදය යටතේ නැවත ආරම්භ කිරීම පිණිස කර්මාන්ත අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.
The post ඇඹිලිපිටිය කඩදාසි කම්හලෙහි නිෂ්පාදන කටයුතු යළි ඇරඹීමේ සැලැස්මක් appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka