කොවිඩ් -19 වසංගතයත් සමඟම, එනම් 2021 ජූනි මාසයේ සිට, ශ්‍රී ලංකාව පිළිබඳ එක්සත් ජනපද සංචාරක උපදේශනය 3 වැනි මට්ටමේ පැවති අතර, නවතම සංශෝධනය තුළ ඒ පිළිබඳව අලුතින් හඳුන්වා දී නොමැති බව මෙම අමාත්‍යාංශය සිහිපත් කරයි. මීට අමතරව, පාස්කු ඉරුදින ප්‍රහාරයෙන් පසුව ‘ත්‍රස්තවාදය’ හා සබැඳි භාෂාව හඳුන්වා දුන් අතර එය, 2019 අප්‍රේල් මාසයේ සිට ස්ථාවරව පවතී. එක්සත් ජනපද සංචාරක උපදේශනයේ ඇතුළත් ත්‍රස්තවාදය පිළිබඳ සඳහන පදනම් වී ඇත්තේ, ලොව ත්‍රස්තවාදී අවදානමක් පැවති හෝ පවතින රටවල් සම්බන්ධයෙන් වූ එක්සත් ජනපද සංචාරක උපදේශනවල ඇතුළත් සම්මත භාෂාවක් මත වන අතර, එය ශ්‍රී ලංකාවට විශේෂිත නොවේ. ශ්‍රී ලංකාව මේ වන විට සිටින්නේ 3 වැනි මට්ටමේ වන බවත්, දැනට 4 වැනි මට්ටමේ පවතින එක්සත් ජනපද සංචාරක උපදේශනයක් බොහෝ රටවලට යෝග්‍ය වන බව මෙම අමාත්‍යාංශය අවබෝධ කරගෙන ඇත.
ශ්‍රී ලංකාවේ සංචාරක කර්මාන්තය කොවිඩ්-19 වසංගතයේ බලපෑම් හමුවේ ක්‍රමක්‍රමයෙන් නැගී එන අතර, 2022 මාර්තු 29 වැනි දින වන විට මෙරට ලැබූ සංචාරක පැමිණීම් සංඛ්‍යාව 280,026 ක් විය. ශ්‍රී ලංකාව සංචාරකයන් සඳහා ආරක්ෂිතව සහ විවෘතව පවතින බව විදේශ කටයුතු අමාත්‍යාංශය නැවත වරක් අවධාරණය කර සිටියි. ශ්‍රී ලංකාව සිය රටට පැමිණෙන සංචාරකයන් පිළිගැනීමට අඛණ්ඩව කටයුතු කරන අතර, ඔවුන් සැමට උපරිම සත්කාර සහ සේවා සැපයීමට කැපවී සිටියි. මෑතකාලීනව ක්‍රියාත්මක වන සාමකාමී විරෝධතා හරහා සංචාරකයන් හෝ සංචාරක ගමනාන්ත ඉලක්ක වී නොමැත. දිවයිනට පැමිණෙන සියලුම සංචාරකයන්ට රට පුරා නිදහසේ ගමන් කළ හැකි අතර සියලුම සංචාරක ගමනාන්ත ඔවුන් සඳහා විවෘතව පවතී. තවද, CNN මාධ්‍ය ආයතනය සිය “where to travel in 2022” නමැති සංචාරක ලැයිස්තුව තුළ කොළඹ නගරය ඇතුළත් කර තිබීම විශේෂත්වයකි.
The post ඇමරිකාවේ තීරණය ගැන ශ්‍රී ලංකාවෙන් ප්‍රතිචාර appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka