අයවැය සමයේදී ආණ්ඩුවේ මැති ඇමතිවරුන්ට විදෙස් ගමන් තහනමක්

අයවැය විවාදය සඳහා වූ වැඩසටහන – 2023

2023 මූල්‍ය වර්ෂයට අදාළ අයවැය විවාදය සඳහා යෝජිත පහත සඳහන් වැඩසටහන අග්‍රාමාත්‍යවරයා විසින් අමාත්‍ය මණ්ඩලයේ අවදානය පිණිස ඉදිරිපත් කරන ලද අතර, එකී වැඩසටහන සඳහා අමාත්‍ය මණ්ඩලයේ එකඟතාව ලබා දෙන ලදී.

• අයවැය කථාව (විසර්ජන පනත් කෙටුම්පත දෙවන වර කියවීම) : 2022-11-14
• අයවැය දෙවන වර කියවීමේ විවාදය : 2022-11-15 දින සිට 2022-11-22 දින දක්වා (දින 07කි.)
• අයවැය කාරක සභා අවස්ථා විවාදය : 2022-11-23 දින සිට 2022-12-08 දින දක්වා (දින 13කි)
• ඡන්ද විමසීම : 2022-12-08

මේ අතර හදිසි වෛද්‍යමය අවශ්‍යතාවයකදී හෝ රජයේ ඉතා හදිසි කාර්යයන් සම්බන්ධයෙන් වන අවස්ථාවකදී හැර, අමාත්‍යවරුන්, රාජ්‍ය අමාත්‍යවරුන් සහ පාර්ලිමේනතුවේ ආණ්ඩු පක්ෂ කණ්ඩායමේ මන්ත්‍රීවරුන් පාර්ලිමේන්තුව රැස් වන දිනවලදී සහ අයවැය විවාදය පැවැත්වෙන කාලසීමාව තුළදී විදේශගත නොවිය යුතු බවට අග්‍රාමාත්‍යවරයා ඉදිරිපත් කළ යෝජනාව සඳහා ද අමාත්‍ය මණ්ඩලයේ එකඟතාවය ලබා දෙන ලදී.

The post අයවැය සමයේදී ආණ්ඩුවේ මැති ඇමතිවරුන්ට විදෙස් ගමන් තහනමක් appeared first on Adaderana Biz Sinhala | Sri Lanka Business News.