IMF ප්‍රතිසංස්කරණ නිමවන ජුලි මාසය තෙක් ඡන්ද නෑ… ව්‍යස්තාවට අනුව ජනාධිපතිවරණය නියමිත කාලයට පැවැත්වෙනවා – ජනපති රනිල් වික්‍රමසිංහ ඇමැති මණ්ඩලයට සහ මැතිවරණ කොමිසමට දැනුම් දීලා… බැසිල් සහ සජිත්ගේ මහමැතිවරණ සිහිනය ලප්තැනම ලොප් වෙයි..

ජාත්‍යන්තර මූල්‍ය අරමුදල සමඟ ඇති කර ගෙන තිබෙන ආර්ථික ප්‍රතිසංස්කරණ වැඩ කටයුතු අවසන් වන පුලි මාසය තෙක් කිසිදු මැතිවරණයක් පැවැත්වීමට අවස්ථාවක් නැතැයි ජනාධිපති රනිල් වික්‍රමසිංහ මහතා ඇමැති මණ්ඩලය හා මැතිවරණ කොමිසම දැනුවත් කර තිබේ.

රට ආර්ථික වශයෙන් ඉදිරියට යාමට ජාත්‍යන්තර මූල්‍ය අරමුදල සමඟ එක්ව කරන ආර්ථික ප්‍රතිසංස්කරණ ක්‍රියාවලිය ඉතා වැදගත් බැවින් ප්‍රමුඛතාවය දිය යුත්තේ එම වැඩසටහනට බව ජනාධිපතිවරයා සඳහන් කර ඇත. අමාත්‍ය මණ්ඩලය සහ මැතිවරණ කොමිසමේ නිලධාරීන් වෙන වෙනම හමුවූ අවස්ථාවලදී ජනාධිපති රනිල් වික්‍රමසිංහ මහතා මේ බව සඳහන් කර තිබේ.

ජාත්‍යන්තර මූල්‍ය අරමුදලේ වැඩසටහන ජූලි මාසයේ අග වන තෙක් ක්‍රියාත්මක බැවින් ඊට පෙර කිසිදු මැතිවරණයක් නොපැවැත්වෙනු ඇතැයි ද ජනාධිපතිවරයා කියා ඇත.

ජනාධිපතිවරණය පැවැත්විය යුතු කාලය ව්‍යවස්ථානුකූලව එළඹෙන්නේ මූල්‍ය අරමුදලේ ක්‍රියාවලියට පසුව වන හෙයින් ජනපතිවරණය පැවැත්වීම අයි.එම්.එෆ් වැඩසටහනට බාධාවක් නොවන බව සඳහන් කර ඇති ජනාධිපතිවරයා ඒ අනුව රජය මැතිවරණ සිතියම සැලසුම් කර තිබෙන බව කීය.

එහෙයින් මුලින්ම ජනාධිපතිවරණයට සූදානම් වන්නැයි ජනාධිපති රනිල් වික්‍රමසිංහ මහතා කැබිනට් මණ්ඩලය මෙන්ම මැතිවරණ කොමිසමේ නිලධාරීන් දැනුම්වත් කොට ඇතැයි රජයේ ආරංචි මාර්ග සඳහන් කරයි. ජනාධිපතිවරණයට පෙර මහමැතිවරණයක් නොපැවැත්වෙනු ඇති බවට මෙයින් ඉඟියක් දී ඇති බව පැහැදිලි යැයි රජයේ ජ්‍යෙෂ්ඨ ප්‍රකාශකයෙක් පැවසීය.

මෙම තත්ත්වය තුල බැසිල් රාජපක්ෂ සහ සජිත් පේමදාස දෙදෙනා එකතුවී මහමැතිවරණය කලින් පැවැත්වීමට ගත් එකගතාවය ලප්තැනම ලොප් වී ඇත. ජනාධිපතිවරයා ප්‍රමුඛ එජාපය මේ මොහොතේ මහ මැතිවරණයකට සුදානම් නොමැති තත්ත්වයක් තුල අනිවාර්යෙන්ම නියමිත පරිදි ජනාධිපතිවරණය ඔක්තෝම්බර් මාසයේ පැවැත්වෙනු ඇත.‍ෙ

මේ වනවිට පොදුජන පෙරමුණට ජනාධිපතිවරණයේදී අපේක්ෂකයෙකු ඉදිරිපත් කිරීමට නොහැකි තත්ත්වයක් තුල තම අපේක්ෂකයා ලෙස අනිවාර්යෙන්ම ජනාධිපති රනිල් වික්‍රමසිංහ ජනාධිපති අපේක්ෂකයා ලෙස තෝරා ගැනීමට සිදුවී තිබේ. මේ වනවිටත් පොහොට්ටුවේ ප්‍රසන්න රණතුංග, කංචන විජේසේකර, සුසිල් ප්‍රේමජයන්ත වැනි සැලකිය යුතු පිරිසක් රනිල් වික්‍රමසිංහ වෙනුවෙන් පෙනී සිටී. ඒ වගේම රනිල් වික්‍රමසිංහ ජනාධිපතිවරණයට ඉදිරිපත් වුවහොත් සමගි ජන බලවේගයේ සැලකිය යුතු කොටසක් ඔහුට සහාය පලකිරීමට මේවනවිටත් එකගතාවය පලකර තිබේ. එබැවින් ජනාධිපතිවරණයක් කැදවීම තුල බැසිල් පමණක් නොව සජිත් පේමදාසද බරපතල දේශපාලනික අර්බුදයකට ඇද වැටෙනු ඇත.

The post IMF ප්‍රතිසංස්කරණ නිමවන ජුලි මාසය තෙක් ඡන්ද නෑ… ව්‍යස්තාවට අනුව ජනාධිපතිවරණය නියමිත කාලයට පැවැත්වෙනවා – ජනපති රනිල් වික්‍රමසිංහ ඇමැති මණ්ඩලයට සහ මැතිවරණ කොමිසමට දැනුම් දීලා… බැසිල් සහ සජිත්ගේ මහමැතිවරණ සිහිනය ලප්තැනම ලොප් වෙයි.. appeared first on ColomboXnews.