ශ්‍රී ලංකා ක්‍රිකට් සම්බන්ධයෙන් අද (09) පාර්ලිමේන්තුවට ඉදිරිපත් කළ යෝජනාව ඡන්ද විමසීමකින් තොරව ඒකමතිකව සම්මත කර ගැනුණි.
දූෂිත ශ්‍රී ලංකා ක්‍රිකට් ආයතනයේ සභාපති ඇතුළු නිලධාරී මණ්ඩලය ඉවත් කිරීමට අදාළව මෙම යෝජනාව රැගෙනවිත් තිබුණි.
ක්‍රීඩා, යෞවන කටයුතු හා වාරිමාර්ග අමාත්‍ය රොෂාන් රණසිංහ පාර්ලිමේන්තුවේදී ඊයේ ආන්දෝලනාත්මක ප්‍රකාශයක් කළ අතර එම කරුණුවලට අනුව ක්‍රිකට් පාලක මණ්ඩලයට විරුද්ධව පාර්ලිමේන්තුවේ යෝජනාවක් සම්මත කළ යුතු බව විපක්‍ෂ නායක සජිත් ප්‍රේමදාස පැවසීය.
ඒ අනුව, ඒ පිළිබඳ සලකා බැලීමට විශේෂ පක්‍ෂ නායක රැස්වීමක් කැඳවීමට නියෝජ්‍ය කතානායක අජිත් රාජපක්‍ෂ පියවර ගත්තේ ය. ඊයේ (නොවැ. 8) ක්‍රීඩා අමාත්‍ය රොෂාන් රණසිංහ කළ ප්‍රකාශයෙන් පසු පැවති පක්‍ෂ නායක රැස්වීමේදී ගත් තීරණයෙන් පසු මෙම විවාදය පවත්වන බව ස.ජ.බ. පාර්ලිමේන්තු මන්ත්‍රී ගයන්ත කරුණාතිලක පාර්ලිමේන්තුවට දැනුම් දුන්නේ ය.
ජනාධිපතිවරයා සහ ඔහුගේ නියෝජිතයා දූෂිත ක්‍රිකට් පාලක මණ්ඩලය පාර්ශවයේ හිටගෙන සිටිද්දී ක්‍රීඩා ඇමතිවරයා සිදුකරන මේ නිර්භීත අරගලයට ඉතාම ගෞරවයෙන් ස්තුති කරන බව ජාතික ජනබලවේගයේ පාර්ලිමේන්තු මන්ත්‍රී විජිත හේරත් මහතා විවාදයට එක්වෙමින් පැවසුවේය. ප්‍රධාන ප්‍රශ්නය තියෙන්නේ ක්‍රිකට් පාලක මණ්ඩලය අරක් අරන් තියෙන්නේ පවුල් කීපයක්. පොඩ්ඩක් බලන්න. සුමතිපාල පවුල කාලයක් මේ ක්‍රිකට් බෝඩ් එකේ ආධිපත්‍ය දැරුවා. ධර්මදාසා පවුල. ඊට පස්සේ කණගාටුයි කියන්න රණතුංග පවුල.
The post Breaking News: ක්‍රිකට් ලොක්කෝ ඉවත් කරන යෝජනාව ඒකමතිකව සම්මතයි appeared first on ColomboXnews.
Source From Colomboxnews
Author: Kamal Dhammika
#SriLanka #News #lka