ස්වීඩනයේ කුරාණයක් ගිනි තැබීමේ සිදුවීම හෙළා දකිමින් එය ආගම් ඇදහීමට ඇති නිදහස උල්ලංඝණය කිරීමක් බව ජනාධිපති රනිල් වික්‍රමසිංහ පවසයි. ගෝලීය දකුණේ හර පද්ධතියට ගරු කරන ලෙසත් අදහස් ප්‍රකාශ කිරීමේ නිදහස මුවාවෙන් කැළඹීම් ඇති වීමට ඉඩ නොදෙන ලෙස ද ජනාධිපතිවරයා බටහිර ජාතීන්ගෙන් ඉල්ලා ඇත.
කෙසේ වෙතත් අද මෙලෙස ස්වීඩනයේ කුරාණය ගිණී තෑබීම ගැන කිඹුල් කදුළු සලන්නේ මීට වසර 42කට පෙර 1981 දී යාපනය පුස්තකාලයට ගිණි තැබීමට නායකත්වය දුන් එදා ජේ. ආර් ජයවර්ධන ආණ්ඩුවේ රැකී රක්ෂා සහ යෞවන කටයුතු ඇමති ධූරය දැරූ රනිල් වික්‍රමසිංහය.
1981 මැයි 31 වැනි දින රාත්‍රියේදී එජාප සංවිධානාත්මක මැර පිරිසක් විසින් යාපනය මහජන පුස්තකාලය ගිනිබත් කරනු ලැබීය. එය 20 වැනි සියවසේ වාර්ගික ග්‍රන්ථකරණ විනාශයේ ප්‍රචණ්ඩතම උදාහරණ වලින් එකක් ලෙස සැලකෙයි. පුස්තකාලය විනාශ වන විට, එය පොත් සහ අත්පිටපත් 97,000කට අධික ප්‍රමාණයක් අඩංගු ආසියාවේ විශාලතම පුස්තකාලයක් ලෙස පැවතුණි.
මිල මුදලින් මැනිය නොහැකි වටිනා දැනුම් සම්භාරයකින් සමන්විත වු මෙම පුස්තකාලය විනාශ කිරීමේ පාඩුව උතුරු පළාතට පමණක් නොව සමස්ත ශ්‍රී ලංකාවටත්, අධ්‍යයන කටයුතුවල යෙදෙන මුළුමහත් ජාත්‍යන්තර ප්‍රජාවටත් දැරීමට සිදුවිය.
ඒ, යාපනය පුස්තකාලය ඒවන විටත් කලාපයේ විශාලතම පුස්තකාල වලින් එකක් වීම හේතුවෙනි.
1981 වසරේ යාපනයේ පුස්තකාලය ගිනිතැබීම සම්බන්ධයෙන් එවක පැවති එක්සත් ජාතික පක්ෂ රජය වෙනුවෙන් තමන් සමාව ඉල්ලා සිටින බව 2016 වසරේදී එවක අග්‍රාමාත්‍ය රනිල් වික්‍රමසිංහ පාර්ලිමේන්තුවේදී පැවසීය. අගමැතිවරයා එසේ සමාව ඉල්ලා සිටියේ උතුරේ සංවර්ධන කටයුතු පිළිබඳ 2016 දෙසැ. 06 දා පාර්ලිමේන්තුවේදී ඇතිවූ උණුසුම් වාදයක් අතරතුරදී. “අපේ කාලේ පුස්තකාලේ ගිනි තිබ්බා. අපි ඒ ගැන කනගාටු වෙනවා, සමාව ඉල්ලනවා” අගමැතිවරයා පැවසීය.
කෙසේ වෙතත් ලංකාව තුල තිස් අවුරුදු යුද්ධයක් නිර්මාණය කිරීම සදහා රනිල් වික්‍රමසිංහද සම්බන්ධ වු යාපනය පුස්තකාලය ගිණී තැබීම, 1981යාපනය සංවර්ධන සභා ඡනද්ය මංකොල්ලකෑම මෙන්ම 1983 කළු ජුලිය විශාල දායකත්වයක් ලබාදෙන ලදි.
The post 1981 යාපනය පුස්තකාලය ගිණි තැබූ රනිල්, ස්වීඩනයේ කුරාණයක් ගිනි තැබීමට එරෙහිව දොස් නගයි. appeared first on ColomboXnews.
Source From Colomboxnews
Author: Kamal Dhammika
#SriLanka #News #lka