ශ්‍රී ලංකා ජාතික ක්‍රිකට් කණ්ඩායමේ ක්‍රීඩකයන් දිගින් දිගටම ආබාධවලට ලක්වීම සහ ජාත්‍යන්තර මට්ටමට ගැලපෙන ශාරීරික යෝග්‍යතා මට්ටමක නොසිටීම හේතුවෙන් සුගතදාස ක්‍රීඩාංගනයේ ධාවන පථයේ පැවති මෙම පරීක්ෂණයේදී ක්‍රීඩකයන්ට කිලෝමීටර් 02 ක දුරක් මිනිත්තු 08 තත්පර 35 කදී අවසන් කිරීමේ අභියෝගයක් ලබා දී තිබිණි.
කොදෙව් සංචාරය ඉලක්ක කර ගනිමින් නම්කළ 35 දෙනෙකුගෙන් සමන්විත මූලික සංචිතයේ ක්‍රීඩකයන් මෙම පරීක්ෂණය සඳහා කැඳවා තිබූ අතර ධනන්ජය ද සිල්වා සහ අවිශ්ක ප්‍රනාන්දු ආබාධ හේතුවෙන් යෝග්‍යතා පරීක්ෂණය සහභාගි නොවීය. ළහිරු තිරිමාන්න කොවිඩ් ආසාදිතයෙකු වන හෙයින් සහ කුසල් මෙන්ඩිස් සිය විවාහ මංගල උත්සවය හේතුවෙන් පරීක්ෂණය සඳහා පෙනී නොසිටියේය.
පරීක්ෂණයට සහභාගි වූ ක්‍රීඩකයන් 31 දෙනාගෙන් කුසල් ජනිත් පෙරේරා, ධනුෂ්ක ගුණතිලක, ඩිල්රුවන් පෙරේරා සහ ධනුෂ්ක ගුණතිලක යන ක්‍රීඩකයන් සිව්දෙනා යෝග්‍යතා පරීක්ෂණය අසමත් වී ඇති බවද වාර්තා වේ.
සෙසු ක්‍රීඩකයන් සියලු දෙනා පරීක්ෂයෙන් සමත් වී ඇති අතර කෙසේ නමුත් බොහෝ ක්‍රීඩකයන් කිලෝමීටර් 02 ක දුර ධාවනය අවසන් කිරීමෙන් අනතුරුව දැඩි වෙහෙසට පත්ව තිබේ. නායක දිමුත් කරුණාරත්න සිය ඉලක්කය සම්පූර්ණ කිරීමෙන් අනතුරුව ධාවන පථයේ ඇදවැටුණු අතර ඔහුට සහායකයන්ගේ කරපිටින් ක්‍රීඩාංගනයෙන් ඉවත්වීමට සිදුවිය.
The post ෆිට්නස් පෙන්නන්න ගිය ක්‍රිකට් ක්‍රීඩකයන්ට වෙච්ච දේ මෙන්න (Video) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka