හොරකම හොයන්න නම් ඇමතිධුරයෙන් අස්වෙන්න..! සතොස හිටපු විධායක අධ්‍යක්ෂක ඇමැති ලසන්තට අභියෝග කරයි

සතොස ආයතනය තුළ සිදු වී තිබෙන සුදු ළුෑණු වංචාවට සම්බන්ධයෙන් සාධාරණ විමර්ශනයක් සිදු කිරීමටනම්, ලංකා සතොස සභාපතිවරයා, ඉහළ පාලනාධිකාරය සහ විෂය භාර අමාත්‍යවරයා ඉවත් කළ යුතු බවත්, එසේ නොකර, සුදුළුෑණු වංචාව පිළිබද විමර්ෂණ සාධාරණව සිදු වේ යැයි අපේක්ෂා කළ නොහැකි බවත් පාරිභෝගික සේවා අධිකාරියේ හිටපු විධායක අධ්‍යක්ෂක තුෂාන් ගුණවර්ධන මහතා පවසයි.

ආන්දෝලනාත්මක සුදුළුෑණු වංචාවට පෙර, එවැනි ආකාරයේ වංචාවක් සීනි සහ පරිප්පු සම්බන්ධයෙන්ද සිදුව ඇති බව ඔහු පවසයි.

සතොස හරහා අඩු මිලට ලබා ගන්නා භාණ්ඩ තොග, නැවත සතොස වෙත ඉහළ මිල ගණන් යටතේ අලෙවි කිරීම මෙම වංචාවේ ස්වභාවයයි.

සුදු ළුෑණු වංචාව හෙළිදරව් වූ වහාම මාධ්‍ය නිවේදනයක් නිකුත් කරමින් විෂය භාර අමාත්‍යවරයා පවසා සිටියේ, අදාල වංචාව සිදුවන අවස්ථාවේ දී ලක් සතොස සභාපතිවරයා සහ ඉහළ පාලනාධිකාරිය කොළඹින් බැහැරව සිට ඇති බව යි. එවැනි නිවේදනයක් නිකුත් කිරීමට ඇමතිවරයාට තිබුණු හදිසිය තේරුම් ගත යුත්තේ කෙසේදැයි තුෂාන් ගුණවර්ධන මහතා විමසයි.

එමෙන්ම, සුදුළුෑණු වංචාවට පෙර සිදුව ඇති පරිප්පු සහ සීනි වංචා සම්බන්ධයෙන් ඇමතිවරයා කුමක් කියනු ඇද්දැයි ඔහු ප‍්‍රශ්න කරයි. ‘සීනි සහ පරිප්පු වංචාව සිදුවන අවස්ථාවලදීත් සභාපතිවරයා සහ ඉහළ පාලනාධිකාරිය කොළඹින් බැහැරව සිටියා යැයි ඇමතිවරයා කියන්නේ ද…?’ තුෂාන් ගේ ප‍්‍රශ්නය එයයි.

වංචා හෙළිදරව් කිරීම හේතුවෙන් තමන්ට ජීවිත තර්ජන එල්ල වී ඇති බවත්, ඒ පිළිබදව තමන් අපරාධ පරීක්ෂණ දෙපාර්තමේන්තුවට පැමිණිලි කළද, මෙතෙක් ඒ පැමිණිලි සම්බන්ධයෙන් කිසිවක් සිදුව නැති බවත් තුෂාන් ගුණවර්ධන මහතා පවසයි.

අද වෙළද පොලට නිකුත්ව තිබෙන ඬේලි මිරර් පුවත්පතට සම්මුඛ සාකච්ඡුාවක් ලබා දෙමින් තුෂාන් ගුණවර්ධන මහතා මේ අදහස් පළ කර තිබුණි.

The post හොරකම හොයන්න නම් ඇමතිධුරයෙන් අස්වෙන්න..! සතොස හිටපු විධායක අධ්‍යක්ෂක ඇමැති ලසන්තට අභියෝග කරයි appeared first on ColomboXnews.