සුපිරි ඕවරයේ දී ශ්‍රී ලංකා කණ්ඩායමට සුපිරි ජයක් 

සුපිරි තරගයකින් පසු ශ්‍රී ලංකා නවසීලන්ත පළමු  විස්සයි 20 තරගය  ශ්‍රී  ලංකා කණ්ඩායම ආනන්දනීය ජයග්‍රහණයක් වාර්තා කළේය. පන්දු ඕවර 20 තුළ දී ශ්‍රී ලංකාව ලබා දුන් ලකුනු 195ක දැවැන්ත ඉලක්කය  හඹා ගිය නවසීලන්ත කණ්ඩායමේ ලකුණු සම වීමෙන් අනතුරුව යැවූ සුපිරි ඕවරයේ දී  ශ්‍රී ලංකා කණ්ඩායම මේ සුපිරි ජයග්‍රහණය අත් කරගත්තේය.

කණ්ඩායම් දෙකේ ලකුණු සම වීම හේතුවෙන් ජය පරාජය උරගා බැලීම වෙනුවෙන් සුපිරි පන්දු වාරයක් යැවීමට තීරණය කෙරුණා. සුපිරි පන්දු වාරයේදී පළමුවෙන් පිටියට පිවිසි නවසීලන්ත පිතිකරුවන් කඩුලු 2ක් දැවී ලකුණු 8ක් ලබාගත්තා. සුපිරි පන්දු වාරය වෙනුවෙන් පිටියට පිවිසි ශ්‍රී ලංකා පිතිකරුවන් පන්දු 3ක් තුල කිසිවෙකුත් නොදැවී ජයග්‍රාහී ඉලක්කය පසු කළා.

කාසියේ වාසිය දිනූ නවසීලන්ත කණ්ඩායම පන්දු රැකීම තේරුවේය.  පන්දුවට පහර දීමට පැමිණි ශ්‍රී ලංකා ආරම්භක පිතිකරු පැතුම් නිශ්ශංක මුහුණ දුන් පළමු පන්දුවේ දීම දැවී ගියේය.

එහෙත් කුසල් මෙන්ඩිස් සහ කුසල් ජනිත් පෙරේරා කණ්ඩායම පීඩනයක් නොදී එතැන් සිට ඉනිම ගොඩ නැගුවේය. කුසල් මෙන්ඩිස්   පන්දු 09ක් තුළ හතරේ පහර තුනක් සහ හයේ පහර දෙකක් සමගින් ලකුණු 25ක් ලැබුවේය.  කාලයකින් කණ්ඩායමට එක් වූ කුසල් ජනිත්  විශිෂ්ට ඉනිමක් ක්‍රීඩා කරමින් පනුද් 45ක් තුළ හතරේ පහර 04ක් සහ හයේ පහරක් සමගින් නොදැවී ලකුණු  53ක් ලැබුවේය.

අලංකාරම ඉනිම ක්‍රීඩා කළේ චරිත් අසලංකය. චරිත් පන්දු 41 තුළ හයේ පහර 06ක් සහ හතරේ පහර 02ක් සමගින් වර්ණවත් ලකුණු 67ක් රැස් කළේය.

වනිඳු හසරංග කාලයකින් කැපී පෙනෙන පිතිකරණයක යෙදුනේය. ඔහු පන්දු 11ක් තුළ හයේ පහර 02ක් සමගින් නොදැවී ලකුණු 21ක් ලැබුවේය.

ශ්‍රී ලංකා කණ්ඩායම ලකුණු 196ක විශාල ඉලක්කයක් නවසීලන්ත කණ්ඩායමට ලබා දුන්නේය.

සංචාරක ශ්‍රී ලංකා කණ්ඩායම සහ නවසීලන්තය අතර දෙවන T20 තරගය ලබන බදාදා Dunedin හිදී පැවැත්වීමට නියමිතයි.

The post සුපිරි ඕවරයේ දී ශ්‍රී ලංකා කණ්ඩායමට සුපිරි ජයක්  appeared first on ColomboXnews.