සුනඛයෙකු බේරීමට ගොස් මිනිසෙකු‌ට මරු කැඳවූ රියදුරු

මාදම්පේ, විලත්තව දෙස සිට හතරමං හන්දිය දෙසට ධාවනය වෙමින් තිබූ වෑන් රථයක් දෙසට හදිසියේ පනින ලද සුනඛයෙකු වෑන් රථයේ ගැටීම වැළැක්වීමට උත්සහ කිරීමේදී ඉදිරියෙන් පැමිණි යතුරු පැදියක මුහුණට මුහුණ ගැටීමෙන් යතුරු පැදිකරු මිය ගොස් තිබේ.

පොලිසිය සඳහන් කළේ, ඊයේ (ජන:15) සිදුවූ මෙම අනතුරින් බරපතළ තුවාල ලැබූ යතුරු පැදිකරු, ගල්මුරුව රෝහලට ඇතුළත් කිරීමෙන් පසු මිය ගොස් ඇති බව ය.

මිය ගිය පුද්ගලයා වයස අවුරුදු 63ක් වන දුම්මලසූරිය, සූරියඋයන ප්‍රදේශයේ පදිංචිකරුවෙකි.

මෘත ශරීරිය ගල්ගමුව රෝහලේ මෘත ශරීරාගාරයේ තැන්පත් කර තිබේ.

අනතුර සම්බන්ධයෙන් වෑන් රථයේ රියැදුරු අත්අඩංගුවට ගත් බව පොලිසිය වැඩිදුරට ත් සඳහන් කළේ ය.

මේ පිළිබඳව මාදම්පේ පොලිසිය වැඩිදුර විමර්ශන සිදු කරයි.

The post සුනඛයෙකු බේරීමට ගොස් මිනිසෙකු‌ට මරු කැඳවූ රියදුරු appeared first on ColomboXnews.