සිංහරාජ හෝටලය මගේ හවුල් ‌දේපොළක් – සිංහරාජ හෝටලය ගැන රෝහිත පළමුවරට කතාකරයි

හිටපු අග්‍රාමාත්‍ය මහින්ද රාජපක්ෂ මහතාගේ පුත් රෝහිත රාජපක්ෂ මහතාට සිංහරාජ වනාන්තරය ආසන්නයේ සුඛෝපභෝගී නිවාඩු නිකේතනයක් තිබූ බවට අද රහස් පොලිසිය වෙත පැමිණිල්ලක් ඉදිරිපත් විය.

ඒ සම්බන්ධයෙන් News 1st වෙත විශේෂ ප්‍රකාශයක් කරමින් රෝහිත රාජපක්ෂ කියා සිටියේ අදාළ ප්‍රදේශයේ තමාට හවුල් දේපළක් ඇති බවත්, එම හෝටලය සියලු නීතිමය අවශ්‍යතා සපුරාලීමෙන් පසුව ඉදිකරන ලද බවත්ය.

යම් වරදක් සිදුවී ඇත්නම් ඊට එරෙහිව අධිකරණ ක්‍රියාවලියක් ආරම්භ කළ හැකි බව ද රෝහිත රාජපක්ෂ කියා සිටියේය.

සර්ව-පාර්ෂවික අරගලකරුවෝ ව්‍යාපාරයේ මාධ්‍ය ප්‍රකාශක නිරාෂාන් විතානගේ මහතා මාධ්‍යවේදීන් අමතමින් කියා සිටියේ අදාළ නිවාඩු නිකේතනයේ අයිතිය පිළිබඳ සත්‍ය අසත්‍ය සොයා බලන ලෙස තමන් අපරාධ පරීක්ෂණ දෙපාර්තමේන්තුවෙන් ඉල්ලා සිටින බවයි.

මෙම පදනම් විරහිත සහ අසත්‍ය ප්‍රකාශවලට ප්‍රතිචාර දක්වමින් රෝහිත රාජපක්ෂ කියා සිටියේ එවැනි චෝදනා කරන අය තම පාර්ශවය ඔවුන්ට එරෙහිව ගෙන යන නීතිමය ක්‍රියාමාර්ගවලට මුහුණ දීමට සූදානම් විය යුතු බවයි.

The post සිංහරාජ හෝටලය මගේ හවුල් ‌දේපොළක් – සිංහරාජ හෝටලය ගැන රෝහිත පළමුවරට කතාකරයි appeared first on ColomboXnews.