හම්බන්තොට මහ රෝහලේ සිටි එකම නිර්වින්දන විශේෂඥ වෛද්‍යවරයා විධිමත් අවසරයකින් තොරව හොර රහසේම විදෙස් ගත වීම හේතුවෙන් දැඩි සත්කාර ඒකකයේ ප්‍රතිකාර ලබනා රෝගීන් කීප දෙනෙකු සඳහා සැලසුම් කර තිබූ අත්‍යාවශ්‍ය ජීවිත ආරක්ෂක සැත්කම් සහ සිසේරියන් සැත්කම් ඇතුළු සැලසුම් කළ සියලුම සැත්කම් කරගත නොහැකිව සෙසු විශේෂඥ වෛද්‍යවරු බරපතල අර්බුදයකට මුහුණ දී ඇතැයි ඇතැයි වාර්තා වේ.
දැඩි සත්කාර දෙකක ප්‍රතිකාර ලබන අසාධ්‍ය රෝගීන් වෙනුවෙන් කරන සැත්කම් හා සඳුදා දිනයේ සිට දෛනිකව සිදුකරන සැලසුම් කළ සැත්කම් පහකට ආසන්න ප්‍රමාණය සඳහා පොරොත්තු ලේඛන සකස් කර ඇති අනිකුත් විශේෂඥ වෛද්‍යවරුන්ට සිය සැත්කම් කිරීමට අනිවාර්යෙන්ම නිර්වින්දක විශේෂඥ වෛද්‍යවරයා සිටිය යුුතුව ඇත.
එසේ තිබිය දී විදේශගතවීම සඳහා විධිමත් අවසරයකින් තොරව මෙම නිර්වින්දන වෛද්‍යවරයා රටින් පිටවී ඇත්තේ දින කීපයක කෙටි නිවාඩුවක් ලබා ගන්නා බව කියමින් යැයි රෝහල් ආරංචි මාර්ග කියයි.
ඔහු විදේශගත වී ඇති බවන දන්නේ අද (12) උදෑසන මහ රෝහලේ විශේෂඥ වෛද්‍යවරුන් කිහිප දෙනකුට දුරකථන කෙටි පණිවිඩ මගින් තමන් එංගලන්තයට පැමිණි බව දැන්වීමෙන් අනතුරුව යැයි දැනගන්නට ඇත. මේ වනවිට වෛද්‍යවරුන් රටින් පැන යන ආකාරය මෙය බවත්, මේ සිද්ධිය පෙළ ගැසී ඇති ආකාරය අනුව ඔහු යළිත් රටට එනු ඇතැයි විශ්වාස කළ නොහැකි බවත් රෝහලේ ප්‍රකාශකයෙක් පැවසුවේය.
මෙම වෛද්‍යවරයා විශේෂඥ පුහුණුව සහිතව ලංකාවට පැමිණ ලද පළමු පත්වීම මෙය වීමත් එම පත්වීම් ධූරයේ ඔහු රාජකාරි කර ඇත්තේ මාස තුනක පමණ කෙටි කාලයක් වීමත් ගැන රෝහල් ආරංචි මාර්ග කතා කරන්නේ කළකිරීමෙනි.
මේ සම්බන්දයෙන් හම්බන්තොට මහ රෝහලේ අධ්‍යක්ෂ වෛද්‍ය සුරංඟ උබේසේකර පවසා ඇත්තේ හම්බන්තොට මහ රෝහලේ සිටි එකම නිර්වින්දක විශේෂඥ වෛද්‍යවරයා දින කිහිපයක නිවාඩුවක් ලබා ගත් නමුත් විදෙස් ගත වී ඇති බව රෝහලේ දී ආරංචිවන තුරු නොදන්නා බවය.
The post සැලසුම් කළ සියලුම සැත්කම් ඉවරයි…. රෝහලට හිටපු එකම නිර්වින්දන වෛද්‍යවරයාත් රට ගිහින්… හම්බන්තොට මහ රෝහල බරපතල අර්බුදයක… appeared first on ColomboXnews.
Source From Colomboxnews
Author: Kamal Dhammika
#SriLanka #News #lka