කොවිඩ් එන්නත ලබාදීමේ සාමාන්‍ය ක්‍රමවේදයට පරිබාහිරව විවිධ පාර්ශව එන්නත ලබාගැනීමට කරන ඉල්ලීම් එන්නත්කරණ වැඩපිළිවෙලට බාධා එල්ල කර ඇතැයි සෞඛ්‍ය අමාත්‍යාංශයේ නියෝජ්‍ය අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා පවසයි.
මෙහිදී වැඩිදුරටත් අදහස් දැක්වමින් වෛද්‍යවරයා සඳහන් කර සිටියේ, විවිධ ක්‍රම භාවිත කරමින් ඇතැමුන් එන්නත ලබාගැනීමට කටයුතු කරන බවය.
මේ පිළිබඳ වැඩිදුරටත් අදහස් දැක්වු වෛද්‍යවරයා,
“සියලුදෙනාට ම එන්නත ලබාදීමට කටයුතු කිරීමට වැඩසටහන සම්පාදනය කරලා තියෙන තත්ත්වය යටතේ, අක්‍රමිකතා සිදුවීමට හේතුව වන්නේ, විවිධ පාර්ශවවලින් ඉල්ලීම් ලැබෙනවා අපිටත් මේ එන්නත ඉක්මනින් ලබාදෙන්න කියලා. එන්නත්ලාභීන් හඳුනාගත්තාට පස්සේ, වෙන වෙන ක්‍රමවේද භාවිත කරමින් මේ තැන්වලින් එන්නත් ලබාගැනීමට සමහර අය උත්සහ කරනවා.“
මේ අතර, කොළඹ සහ ගම්පහ දිස්ත්‍රික්කවල කොවිඩ් අධිඅවදානම් ග්‍රාම නිලධාරී වසම්වල වයස අවුරුදු 30ට වැඩි සියල්ලන්ට එන්නත ලබාදීම අදත් සිදුකෙරුණි.
ඊයේ (28) දිනය තුළ 24,374 දෙනෙකුට කොවිෂීල්ඩ් එන්නත ලබාදී ඇති අතර ඒ අනුව සමස්ත එන්නත්ලාභීන් ගණන 466,350ක් බව වසංගත රෝග විද්‍යා අංශය සඳහන් කළේය.
The post සාමාන්‍ය ක්‍රමවේදයට පරිබාහිරව එන්නත ලබාගැනීම නිසා එන්නත්කරණ වැඩපිළිවෙලට බාධා – විශේෂඥ වෛද්‍ය හේමන්ත හේරත් (වීඩියෝ) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka