සහන මල්ල බෙදමින් සිටි තවත් ග්‍රාම නිලධාරිවරයෙකුට ප්‍රහාරයක්

දඹුල්ල, කටුබැදියාව, වල්ගම ප්‍රදේශයේ ග්‍රාම නිලධාරීවරයෙකුට පහර දීමේ සිද්ධියක් සම්බන්ධයෙන් ප්‍රදේශයේ පදිංචිකරුවන් තිදෙනෙකු අත්අඩංගුවට ගෙන තිබේ.

මීට පෙරද මාතලේ දිස්ත්‍රික්කයේ උකුවෙල ප්‍රෙද්ශයේ ග්‍රාමසේවා නිලධාරිණියකටද මෙලෙසම පොහොට්ටුවේ මන්ත්‍රීවරයෙක් විසින් පහරදී තිබුණි.

පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා සඳහන් කළේ, රජයෙන් ලැබෙන රු . 5000 සහන මල්ලේ ආහාර ද්‍රව්‍ය බෙදමින් සිටියදී මෙම පහරදීම සිදුව ඇති බවයි.

සිද්ධිය සම්බන්ධයෙන් තවත් පිරිසක් අත්අඩංගුවට ගැනීමට දඹුල්ල පොලීසිය විමර්ශන ආරම්භ කර ඇති අතර අත්අඩංගුවට ගත් පිරිස අද (22) අධිකරණය හමුවට ඉදිරිපත් කිරීමට නියමිත ය.

The post සහන මල්ල බෙදමින් සිටි තවත් ග්‍රාම නිලධාරිවරයෙකුට ප්‍රහාරයක් appeared first on ColomboXnews.