යාපනය, මණියම්තෝට්ටම් ප්‍රදේශයේ මාස 8ක බිළිඳෙකුට සිය මව විසින් වේවැලකින් පහරදෙන අයුරු දැක්වෙන වීඩියෝවක් සම්බන්ධයෙන් එම කාන්තාව අත්අඩංගුවට ගෙන තිබේ.
එම වීඩියෝව සමාජ මාධ්‍ය ඔස්සේ සංසරණය වෙමින් තිබු අතර, එහි බිළිඳාට පහරදෙන අයුරු සහ එම කාන්තාව පැහැදිලිව දක්නට ලැබේ. අදාල වීඩියෝව සමාජ මාධ්‍ය ඔස්සේ ප්‍රචාරය වීමත් සමග විශාල පිරිසක් කාන්තාවට එරෙහිව දැඩි අප්‍රසාදය සහ විරෝධය පල කරමින් කාන්තාවට එරෙහිව නීතිය ක්‍රියාත්මක කරන ලෙසට බලධාරීන්ගෙන් ඉල්ලා සිටින ලදි.
වීඩියෝවට අදාළ ව නල්ලූර් ප්‍රාදේශීය සහා නිලධාරීන් හා යාපනය පොලීසියේ නිලධාරීන් කිහිපදෙනෙකු ගොස් අදාළ කාන්තාව අද (02) උදෑසන අත්අඩංගුවට ගෙන ඇත.
23 හැවිරිදි කාන්තාවක් වන ඇයගේ ස්වාමිපුර්ෂයා විදෙස්ගතව රැකියාවක නිරත වන අතර ඔහු විසින් වියදමට මුදල් ලබානොදීම නිසා ඔහුගෙන් මුදල් ලබාගැනීමට අය විසින් දරුවාට පහරදී එය වීඩියෝ කර තම ස්වාමිපුර්ෂයාට යවා තිබේ.
බිළිඳා ද අද දිනයේ පොලිස් භාරයට ගත් අතර, අත්අඩංගුවට පත් කාන්තාව යාපනය අධිකරණයට ඉදිරිපත් කිරීමට නියමිතය.
The post සමාජ මාධ්‍ය කැළඹූ මාස 09ක දැරියකට අමානුෂික ලෙස පහර දෙන වීඩියෝවේ ඇත්ත මෙන්න appeared first on ColomboXnews.
Source From Colomboxnews
Author: Kamal Dhammika
#SriLanka #News #lka