සමාජවාදී තරුණ සංගමය ඊයේ (සැප්. 24) කොළඹදී සංවිධානය කර තිබූ විරෝධතාව අතරතුර අත්අඩංගුවට ගත් විරෝධතාකරුවන් 83 දෙනා ඇප මත මුදා හැර තිබේ.
ඒ, අද (සැප්. 25) වරෝධතාකරුවන් මාලිගාකන්ද අධිකරණයට ඉදිරිපත් කිරීමෙන් අනතුරුව ය.
සමාජවාදී තරුණ සංගමයේ ජාතික සංවිධායක එරංග ගුණසේකර ඇතුළු තිදෙනෙකුට රුපියල් ලක්ෂ 02 බැගින් වූ ශරීර ඇප මත මුදා හැර ඇති අතර සෙසු විරෝධතාකරුවන් පොලිස් ඇප මත මුදා හැරීමට අධිකරණය නියෝග කර ඇත.
“අරගලයට නව ජවයක් – තරුණ බලය යළි කොළඹට” යන තේමාව යටතේ සංවිධානය කර තිබූ මෙම විරෝධතාව කොළඹ පුරහල අසලින් ගමන් ආරම්භ කර කොළඹ කොටුව දක්වා ගමන් කිරීමට සැලසුම් කර තිබිණි.
එහිදී පොලිසිය සෞඛ්‍ය අමාත්‍යංශය ඉදිරිපිටදී කදුළු ගෑස් සහ අධි පීඩන ජල ප්‍රහාර එල්ල කර පාගමන විසුරුවා හැරීමට පියවර ගත්තේ ය.
අත්අඩංගුවට ගත් පුද්ගලයින් අතර ස්වාමීන් වහන්සේ දෙනමක්, පිරිමි පුද්ගලයින් 78 දෙනෙකු සහ කාන්තාවන් සිව් දෙනෙක් වූහ.
The post සමාජවාදී තරුණ සංගමයේ අත්අඩංගුවට ගත් විරෝධතාකරුවන්ට 84 දෙනාටම ඇප appeared first on ColomboXnews.
Source From Colomboxnews
Author: Kamal Dhammika
#SriLanka #News #lka