මොරටුව එන්නත්කරණ වැඩපිලිවෙලට මැදිහත්වෙමින් සෞඛ්‍ය වෛද්‍ය නිලධාරිණියගේ රාජකාරියට බාධා කල මොරටුව නගරාධිපති සමන් ලාල් ප්‍රනාන්දු ගල්කිස්ස පොලිසියට බාරවීමෙන් පසු ඔහු අත්අඩංගුවට ගෙන ඇත.
මොරටුවේ එන්නත් කරන වැඩසටහනට තමන් තුන්ඩු ලබාදුන් අයට පමණක් සිදුකරන ලෙස බලපෑම් කිරීම සම්බන්දයෙන් අදාල වෛද්‍යවරිය විසින් කරන ලද පැමිණිල්ලක් මත සිදුකරන පරීක්ෂණ අනුව ඔහු අත්අඩංගුවට ගැනීමට නියමිතව තිබිණි. ඒ අනුව ඔහු පොලිසියට නීතීඥයකු සමඟ පැමිණ බාරවී තිබේ.
මෙම සිදුවීම සම්බන්දයෙන් සමාජජාල මාධය තුල දැඩි කතා බහක් නිර්මාණය වු අතර සෞඛ්‍ය වෛද්‍ය නිලධාරිනයගේ රාජකාරියට බාධා කිරීම හා ඇයට තර්ජනය කිරීමටත් අපහාසයට ලක් කිරීමටත් එරෙහිව මොහුට එරෙහිව සමස්ත ලංකා වෛද්‍ය නිලධාරී සංගමය විසින් පොලිස් මුලස්ථානයටද පැමිණිල්ලක් ඉදිරිපත් කර තිබුණි.
The post සමාජයෙන් එල්ලවු බලපෑම හමුවේ MOHගේ රාජකාරියට බාධා කල මොරටු නගරාධිපති පොලිස් අත්අඩංගුවට appeared first on ColomboXnews.
Source From Colomboxnews
Author: Kamal Dhammika
#SriLanka #News #lka