සතොස නිලධාරීන් කෝටිපතියන් වුණේ කොහොමද? පොලිස් විමර්ශනයක්

කෝටිපතියන් බවට පත්වූ බව කියන සතොස නිලධාරීන් පිරිසක් පිළිබඳව විශේෂ පොලිස් විමර්ශනයක් සිදුකරන බව මහජන ආරක්‍ෂක ඇමැති සරත් වීරසේකර මහතා ජාතික පුවත්පතකට ඊයේ (03දා) පැවැසා ඇත.

සුදුලූනු වංචාවට සමාන තවත් වංචාවන් රැසක් කාලයක් තිස්සේ සිදුවන බවට තොරතුරු සනාථ කර ගැනීම සඳහා මෙම විමර්ශන කටයුතු ආරම්භ කර ඇතැයිද හෙතෙම කීවේය.

මෙම සතොස නිලධාරීන් කෝටිපතියන් බවට පත්වූයේ කෙසේද යන්න අනාවරණය කර ගැනීම විමර්ශන කටයුතුවල අරමුණ බව වීරසේකර මහතා පැවසීය.

පරිගණක මාර්ගයෙන් සහ විවිධ උපක‍්‍රම ඔවුන් භාවිත කර තිබේදැයි සොයා ගැනීමට දැනටමත් පොලිස් විමර්ශන කරන බවද ඔහු කීය. ඔවුන් අයුතු ලෙස විශාල දේපළ උපයාගත් ආකාරය විමර්ශනවලදී හෙළිකළ යුතු යැයිද ඇමැතිවරයා පැවසීය. මේ අතර සුදුලූනු වංචාව සම්බන්ධව පෑලියගොඩ පොලිසිය සිදුකළ සියලූම පරීක්‍ෂණ වාර්තා රහස් පොලිසියට බාරදීමෙන් පසු එම සියලූම විමර්ශන කටයුතු අද (04දා) පුළුල් අන්දමින් සිදුකරන බව රහස් පොලිසියේ ජ්‍යෙෂ්ඨ නිලධාරියෙක් පැවැසීය.

The post සතොස නිලධාරීන් කෝටිපතියන් වුණේ කොහොමද? පොලිස් විමර්ශනයක් appeared first on ColomboXnews.