සජිත්ගෙ සමගි ජනබලවේගය දෙකඩ වෙයි..! හර්ෂ, ඉරාන්, තලතා ඇතුළු දහයකට අධික පිරිස් රනිල් සමඟ එක්වෙයි (වීඩියෝ)

සමගි ජනබලවේගය නියෝජනය කරන ඉහලම නායකයින් පිරිසක් ඉදිරි දින කිහිපය තුල සර්ව පාක්ෂික ආණ්ඩුවක් ගෙඩනැගීම සදහා රනිල් වික්‍රමසිංහ මහතා සමග එක්විමට නියමතය. එම පිරිසට හර්ෂ ද සිල්වා, ඉරාන් වික්‍රමරත්න, කබීර් හෂීම්, තලතා අතුකෝරල, මයන්ත දිසානායක , ජේ,සී අලවතුවල ඇතුළු සමගි ජනබලවේගයේ ප්‍රබලයින් රැසක් ඇතුලත් වන බව මේ වනවිට අනාවරණය වී තිබේ.

මේ අතර සජිත් ප්‍රේමදාස මහතා ඉදිරි සතිය තුළ තීන්දුවක් ලබා නොගතහොත් සමගි ජන බලවේගයේ කණ්ඩායමක් අනිවාර්යයෙන්ම එම පක්ෂයෙන් ඉවත් වී රනිල් වික්‍රමසිංහ මහතාගේ ආණ්ඩුවට එකතු බව සංචාරක හා ඉඩම් අමාත්‍ය හරීන් ප්‍රනාන්දු මහතා ද තහවුරු කළා. ඒ ඊයේ (01) හිරු බලය වැඩසටහනට එක්වෙමින්.

ජේෂ්ඨයන්, නව පරපුරේ කිහිපදෙනක් සහ මැද තම වයසේ කිහිපදෙනෙකු එලෙස පක්ෂයෙන් ඉවත් වීමට සූදානම් බවද අමාත්‍යවරයා සඳහන් කළා. සමගී ජන බලවේගය දෙකඩ වීමට තමා අකමැති බවත් තමා තවමත් සමගි ජන බලවේගයේ කොටසක්කරුවෙකු බවත් ප්‍රනාන්දු මහතා අවධාරණය කළා.

මෙම තත්ත්වය තුල වත්මන් දේශපාලනය තුල පොදුජන පෙරමුණ, සමගි ජනබලවේගය, ශ්‍රී ලංකා නිදහස් පක්ෂය යන ප්‍රධාන පක්ෂ තුනම අභ්‍යන්තර අර්බුද වලට ලක්වී ඇති අතර මේ වනවිට ඩලස් අලහප්පෙරුම මහතා සමග පොහොට්ටුවේ මන්ත්‍රීවරු පිරිසක් ඉන් ඉවත්වී ඇති අතර හරීන් ප්‍රනාන්දු සහ මනුෂ නානායක්කාර සමගි ජන බලවේගයෙන් ඉවත්වී සිටී. ශ්‍රීලනිපය නියෝජනය කරන මහින්ද අමරවීර සහ නිමල් සිරිපාල ද සිල්වාද මේ වනවිට රනිල් වික්‍රමසිංහ මහතා සමග එක්වී සිටී.

The post සජිත්ගෙ සමගි ජනබලවේගය දෙකඩ වෙයි..! හර්ෂ, ඉරාන්, තලතා ඇතුළු දහයකට අධික පිරිස් රනිල් සමඟ එක්වෙයි (වීඩියෝ) appeared first on ColomboXnews.