හිටපු අග්‍රාමාත්‍ය රනිල් වික්‍රමසිංහ සමග නව ආණ්ඩුවක් පිහිටවීම සම්බන්ධව සමගි ජන බලවේගයෙන් ස්වාධීන වූ පාර්ලිමේන්තු මන්ත්‍රීවරු විස්සකට ආසන්න පිරිසක් අද (11) රාත්‍රියේ හිටපු අග්‍රාමාත්‍ය රනිල් වික්‍රමසිංහ හමුවී සාකච්ඡා පැවැත්වූහ.
නව ආණ්ඩුවේ වැඩපිළිවෙළ සහ ඉදිරි ක්‍රියාමාර්ග සම්බන්ධව මෙම සාකච්ඡාවේ දී වැඩි අවධානයක් යොමු වී තිබේ.
සමගි ජන බලවේගයේ සුළු පක්ෂවලට අයත් මන්ත්‍රීවරු කිසිවෙක් මේ සඳහා සහභාගී වී නොමැති අතර ඔවුන් ද ඉදිරියේ දී රනිල් වික්‍රමසිංහට සහයෝගය දැක්වීමට පැමිණෙන බව මේ සම්බන්ධව කළ විමසුමක දී සමගි ජන බලවේගයේ ජ්‍යෙෂ්ඨ මන්ත්‍රීවරයෙක් පැවසීය.
අග්‍රාමාත්‍ය ධුරය හා නව ආණ්ඩුව පිහිටුවීමේ වගකීම සජිත් ප්‍රේමදාස දිගින් දිගටම පැහැර හැරීම නිසා මෙම තීරණය ගත් බව ඉහත මන්ත්‍රීවරයා වැඩිදුරටත් පැවසීය.
The post සජබෙන් ස්වාධීන වූ මන්ත්‍රීවරු නව ආණ්ඩුවක් පිහිටුවීමට රනිල් සමග සාකච්ඡා අරඹති appeared first on ColomboXnews.
Source From Colomboxnews
Author: Kamal Dhammika
#SriLanka #News #lka