සරත් වීරසේකර අමාත්‍යවරයා හා තමා දේශපාලනයේ ඉෂ්ට කළ කාර්යභාරය තරාදියකට දමා සැසඳූවුවහොත් වීරසේකර මහතාගේ බර කිලෝවක් නම් තමාගේ බර කිලෝ සීයක් බව රාජ්‍ය අමාත්‍ය විමලවීර දිසානායක මහතා පෙන්වා දෙයි.
සරත් වීරසේකර මහතා අම්පාරෙන් පන්නපු කතාව අමූලික බොරුවක් බව ද පෙන්වා දෙන රාජ්‍ය අමාත්‍යවරයා ඔහුට කවුරුත් අම්පාරෙන් යන්නට කිව්වේ නැති බව ද සඳහන් කරයි.
යළි දේශපාලන ව්‍යාපාරයක් ගොඩ නැගීමට එන ලෙස පරාජයෙන් පසු ඔහුට තමන් ඇතුළු පිරිස ආරාධනා කළ බව ද පෙන්වා දෙන රාජ්‍ය අමාත්‍යවරයා ඒත් ඔහු ඊට ප්‍රතිචාර නොදැක්වූ බවද සඳහන් කරයි.
පොදුජන පෙරමුණ පිහිටුවීමේදී නැගෙනහිර පළාත නියෝජනය කළ එකම පාර්ලිමේන්තු මන්ත්‍රීවරයා තමා බව ද පෙන්වා දෙන දිසානායක මහතා පක්ෂය ගොඩ නැගීමට බර ඇද ජයග්‍රහණයේ කන්ද මුදුනට ගිය විට පැත්තකට කර තිබීම පිළිබඳව තමාට යම් වේදනාවක්,තරහක් තිබෙන බවද සඳහන් කරයි.
පක්ෂය ගොඩනැගීමේදී ශාඛාවක් පිහිටුවපු නැති,පක්ෂයට සාමාජිකයෙක්වත් බඳවා නොගත් අයටද කැබිනට් ඇමැති ධූර ලබාදී තිබෙන බවටද රාජ්‍ය අමාත්‍යවරයා චෝදනා කරයි.
නැගෙනහිර පළාත නියෝජනය කරන ජේෂ්ඨතම ආණ්ඩු පක්ෂ මන්ත්‍රීවරයා තමන් බව ද රාජ්‍ය අමාත්‍යවරයා පෙන්වා දෙයි.
වීරසේකර මහතාගේ අරමුණ වූයේ වෙන එකක් බවත් ඒවා හරිද වැරදි දැයි කීමට තමා සූදානම් නැති බව ද රාජ්‍ය අමාත්‍යවරයා වැඩිදුරටත් අවධාරණය කරයි.
ඔහුව කොළඹින් තරග කිරීමට ගෙන්වා ගත්තේ ජනාධිපතිවරයා බවද රාජ්‍ය අමාත්‍යවරයා සඳහන් කරයි.
එහෙත් වීරසේකර මහතා කොළඹට පැමිණියේ කැමැත්තකින් නොවන බවත් ඔහුට අවශ්‍යව තිබුණේ තමාවද අම්පාරෙන් පරාජය කිරීමට බව රාජ්‍ය අමාත්‍යවරයා හෙළිදරව් කරයි.
විමලවීර දිසානායක මහතා මේ අදහස් පළකළේ ඒෂියන් මිරර් සමග සාකච්ඡාවකට එක්වෙමිනි.
The post ශාඛාවක්වත් හදපු නැති වීරසේකර කැබිනට් ඇමති.. නැගෙනහිර අපිට හුලං – විමලවීර, වීරසේකරගේ පළු අරියි (VIDEO) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka