ලෝක කැස්බෑ දිනය අද (16) වේ. එම දිනය ගැන ශ්‍රී ලංකාවේ අපි සාකච්ජා කරන්නේ පරිසර පද්ධතියේ ජීවත්වන කැස්බෑවන් ගේ ජීවිත දැඩි අභියෝගකට ලක්ව ඇති පසුබිමකය.
කැස්බෑවන් වෙනුවෙන් දිනයක් වෙන්කිරීමට තරම් ලෝක ප්‍රජාව මූලික වූයේ එම සතුන් වඳීයාමේ තර්ජනයට මුහුණදී සිටීම හේතුවෙනි.
ජුරාසික් යුගයේ සිට මිහිපිට වෙසෙන බවට සැලකෙන මෙම සත්ත්වයින් පරිසර විශේෂඥයින් හඳුවන්වන්නේ “සජීවී පොසිල” ලෙසය.
ඇතැම් කැස්බෑවන් වයස අවුරුදු 400ක් පමණ ජීවත් වන අතර ඔවුන්ගේ සාමාන්‍ය ආයු කාලය වසර 100ක් ලෙස සැලකේ.
එවැනි වටිනාකමක් ඇති කැස්බෑවන් ආරක්ෂාකරන කාලයක අපේ රටේ කැස්බෑවන් මියයාම දිවයිනේ විවිධ වෙරළ තීරවලින් වාර්තා විය.
දින කිහිපයක් ඇතුළත ශ්‍රී ලංකාවට අහිමි වී ගිය මුහුදු කැස්බෑවන් ගණන 50 කට ආසන්න බව පරිසරවේදීන් පැවසීය.
බටහිර වෙරළේ මුන්දලම දක්වාත් දකුණේ වෙරළේ තංගල්ල රැකව ප්‍රදේශ දක්වාත් කැස්බෑවන්ගේ සිරුරු වෙරළට ගොඩ ගසා තිබුණි.
ලොව වඳවීයාමේ තර්ජනයට ලක්ව ඇති පොතු කැස්බෑවන් පස්දෙනකුම එලෙස පරිසර පද්ධතියට අහිමිවීම කණගාටුදායක පුවතකි.
කෙසේවෙතත් මෙලෙස මිය ගිය සතුන්ගේ සිරුරුවල අභ්‍යන්තර කොටස් වැඩි දුර පරීක්ෂණ සඳහා ඊයේ රජයේ රස පරීක්ෂකවරයා වෙත යොමුකර තිබේ.
නමුත් මියයන කැස්බෑවන්ගේ සැබෑ තොරතුරු තමන්ට ද ලබාගැනීම අපහසු වී ඇති බව මුහුදු කැස්බෑ සංරක්ෂකයින්ගෙන් මෙන්ම විශේෂඥයින්ගෙන් නැගෙන ප්‍රබල චෝදනාවකි.
කැස්බෑ සංරක්ෂකයින් පවසන්නේ මාස ගණනාවක සිට අභිජනනය කළ පැටවුන් මුහුදට මුදාහැරීම අභියෝගයක් වී ඇති බවය.
The post ශ්‍රී ලංකා වෙරළ තීරයෙන් කැස්බෑ සිරුරු 50කට අධික ගණනක් appeared first on ColomboXnews.
Source From Colomboxnews
Author: Kamal Dhammika
#SriLanka #News #lka