ශ්‍රී ලංකාව සහ පකිස්ථානය අතර පැවැත්වෙන පළමු ටෙස්ට් ක්‍රිකට් තරගයේ ශ්‍රී ලංකා දෙවන ඉනිම ලකුණු 279කට සීමා විය.
ශ්‍රී ලංකාව වෙනුවෙන් පළමු ඉනිමේදී ලකුණු 122ක් රැස් කළ ධනන්ජය ද සිල්වා දෙවන ඉනිමේදී ද ලකුණු 82ක් රැස් කළේ ය.
දෙවන ඉනිමේදී නිෂාන් මධුෂ්ක ලකුණු 52ක් සහ රමේෂ් මෙන්ඩිස් ලකුණු 42ක් රැස් කළහ.
ශ්‍රී ලංකා පළමු ඉනිම ලකුණු 312කට සීමා වූ අතර පකිස්ථානය ලකුණු 461ක් රැස් කිරීමට සමත් විය.
සවුද් ශකීල් පකිස්ථානය වෙනුවෙන් නොදැවී ලකුණු 208ක් රැස් කළේ ය.
තරගය ජය ගැනීම සඳහා පකිස්ථානය රැස් කළ යුතු වන්නේ, ලකුණු 131ක් පමණි.
ශ්‍රී ලංකාව සහ පකිස්ථානය අතර පැවැත්වෙන පළමු ටෙස්ට් ක්‍රිකට් තරගයේ සිව් වන දිනය වන අද තරගය අවසන් වන විට පකිස්ථාන කණ්ඩායම කඩුලු 3ක් දැවී ලකුණු 48ක් රැස් කර සිටියේ ය.
ඒ අනුව, තරගයෙන් ජය ගැනීම සඳහා කඩුලු 7ක් අතැතිව සිටින ඔවුන් රැස් කළ යුතු ලකුණු සංඛ්‍යාව 83කි. හෙට තරගයේ අවසන් දිනය යි.
The post ශ්‍රී ලංකාවේ දෙවන ඉනිම 279කට සීමා වෙයි: පකිස්ථානයට පහසු ඉලක්කයක් appeared first on ColomboXnews.
Source From Colomboxnews
Author: Kamal Dhammika
#SriLanka #News #lka