මෙම වසරේ ගෙවුණු කාලයේදී දිවයින පුරා වූ වෙඩිතැබීම්වලින් පුද්ගලයන් 21 දෙනකු ජීවිතක්ෂයට පත්ව තවත් 14 දෙනකු තුවාල සිදුව ඇතැයි පොලිස් මාධ්‍ය ප්‍රකාශක නියෝජ්‍ය පොලිස්පති නීතීඥ නිහාල් තල්දූව පැවසීය.
පොලිස් මාධ්‍ය ප්‍රකාශකවරයා මේ බව අනාවරණය කළේ ඊයේ (12) පැවැති මාධ්‍ය හමුවකට එක්වෙමිනි.
ජනවාරි පළමුවැනිදා සිට ඊයේ (12 වැනිදා) දක්වා කාලයේදී දිවයින පුරා වෙඩිතැබීම් සිදුවීම් 30 ක් වාර්තා වී ඇති අතර ඉන් 17 ක් සංවිධානාත්මක අපරාධ කල්ලි විසින් කර ඇති බවට හඳුනාගෙන ඇත. අනෙක් වෙඩිතැබීම් ඉඩම් ආරවුල් ඇතුළු පෞද්ගලික හේතූ මුල්කරගනිමින් සිදුව ඇති ඒවා බව ද පොලිස් මාධ්‍ය ප්‍රකාශකවරයා පැවසීය.
පොලිසිය විසින් අත්අඩංගුවට ගන්නා අපරාධකරුවන් අධිකරණයට ඉදිරිපත් කර රක්ෂිත බන්ධනාගාරගත කර ඇප ලබා පැමිණි පසු ඔවුන් නැවත නැවතත් අපරාධයන්ට යොමු වීමේ තත්ත්වයක් නිරීක්ෂණය වන බවත් ඇතැමුන් සංවිධානාත්මක අපරාධකරුවන් සහ මත් ජාවාරමුන් සමග නැවතත් සම්බන්ධ වෙමින් කටයුතු කරන බව නිරීක්ෂණය වූ බව පොලිස් මාධ්‍ය ප්‍රකාශකවරයා කීය. අපරාධකරුවන් පුනරුත්ථාපනය කිරීමට පෙර ඔවුන් සමාජගත වීම හේතුවෙන් මේ තත්ත්වය උද්ගත වී ඇති බව ද හෙතෙම පැවසීය.
The post වෙඩිතැබීම්වලින් පුද්ගලයන් 21 දෙනකු ජීවිතක්ෂයට appeared first on ColomboXnews.
Source From Colomboxnews
Author: Kamal Dhammika
#SriLanka #News #lka