වී සදහා සහතික මිල ඉවතට – මහින්දානන්ද අලුත්ගමගේ

වී ගොවියා සහල් මාෆියාවට යට වුවහොත් සහතික මිලෙන් ඉවත්වීමට සිදුවන බව කෘෂිකර්ම අමාත්‍ය මහින්දානන්ද අලුත්ගමගේ මහතා පවසයි. අමාත්‍යවරයා පෙන්වා දෙන්නේ, එසේ වුවහොත් වී කිලෝවක මිල රුපියල් 25ක් දක්වා අඩුවනු ඇති බවය. 

ආණ්ඩුව සැමවිටම පියවර ගන්නේ පාරිභෝගිකයා සහ ගොවියා යන දෙපාර්ශ්වයම ආරක්ෂා කරගෙන බව කෘෂිකර්ම අමාත්‍යාංශයේ අද (22) පැවැති ප්‍රවෘත්ති සාකච්ඡාවකට එක්වෙමින් ඇමතිවරයා මේ බව අවධාරණය කළේය. 

රජයේ සහතික මිලට වඩා වැඩි මුදලකට පෞද්ගලික අංශය වී මිලදී ගැනීම හේතුවෙන් පසුගියදා කෘෂිකර්ම අමාත්‍ය මහින්දානන්ද අලුත්ගමගේ මහතා ගොවීන්ට අනතුරු අඟවමින් රජයට වී කිලෝ දහසක් ලබා නොදෙන ගොවීන්ට පොහොර සහනාධාරය අහිමිවන බව සඳහන් කර තිබුණි.

“මේ රටේ වී ගොවියෝ ඉන්නේ දස ලක්ෂ 41,923 යි. මේකෙන් අපි වී මිලදී ගන්නේ හෙක්ටයාර් 1ටක වැඩි ගොවීන්ගෙන් පමණයි. එහෙම ගොවීන් ඉන්නේ 266,291කයි. ඒ කියන්නේ 27%යි.  73%කට පොහොර සහනාධාරය, රක්ෂණය සහ රජය අනුග්‍රහය දක්වන සියලු දේ ඒ ආකාරයෙන්ම ලැබෙනවා. හෙක්ටයාර් 1ටක වැඩි ගොවීන්ගෙන් පමණයි අපි වී කිලෝ 1000ක් ලබා දෙන්න කියලා කියන්නේ. මේ වැඩපිළිවෙලෙන් ගොවියා ඉවත් වුණොත් පොහොර සහනාධාරය අහිමිවෙයි.“ ඇමතිවරයා මෙහිදී අවධාරණය කළේය. 

The post වී සදහා සහතික මිල ඉවතට – මහින්දානන්ද අලුත්ගමගේ appeared first on ColomboXnews.