විමල් වීරවංශ සහ උදය ගම්මන්පිල ගම්මන්පිල යන මහත්වරුන් ඇමැති තනතුරුවලින් ඉවත් කළද ඔවුන්ට ඇමැතිවරුන් ලෙස ලබාදුන් ආරක්ෂාව මෙන්ම අනෙකුත් ඇමති වරප්‍රසාද දිගටම ලබාදෙන බව රජයේ ආරංචිමාර්ගවලින් පැවසේ.
මේ සම්බන්ධයෙන් අප පොලිස් මූලස්ථානයේ උසස් නිලධාරියකුගෙන් කළ විමසුමකදී ඔහු පැවසුවේ ආරක්ෂාවේ වෙනසක් කිරීමට මෙතෙක් කිසිදු උපදෙසක් ලැබී නැති බවයි. සාමාන්‍යයෙන් ඇමැතිවරයකුට නිල බලයෙන් හිමිවන ඇමැති ආරක්ෂක අංශ නිලධාරීන් සංඛ්‍යාව 7 කි.
කර්මාන්ත අමාත්‍ය විමල් වීරවංශ සහ බලශක්ති අමාත්‍ය උදය ගම්මන්පිල යන මහත්වරු ජනාධිපති ගෝඨාභය රාජපක්ෂ මහතා විසින් පසුගිය තුන්වැනිදා එම ඇමැති තනතුරුවලින් ඉවත් කරනු ලැබූහ.
කෙසේ වෙතත් ඉන් අනතුරුව ඔවුන් දෙපල අගමැති මහින්ද රාජපක්ෂ මහතා හමුවී සාකච්ඡාවක් පවත් තිබේ. තවද වාසුදේව නානායක්කර මහතාගේ ඇමතිධුරය ඉවත් කර නොමැති අතර ඔහු පවසන්නේ ඇමති මණ්ඩල රැස්වීම් වලට හා අමාත්‍ය ධුරයේ වගකීම් ඉටුකිරීමට මැදිහත් නොවන බවයි. නමුත් ඔහුද ඇමති වරප්‍රසාද දිගටම භුක්ති විදියි.
මේ අතර 11 කණ්ඩායමේ මෙම හැසිරිම නාටකයක් බවත් ආණ්ඩුවෙන් ගිලිහෙන ඡන්ද පදනම ආරත්ෂා කරගැනීම සදහා යොදන උප්පරවැට්ටියක් බවත් බොහෝ අංශ වෙතින් අදහස් ඉදිරිපත් කර තිබේ.
එය සනාථ කරමින් පුසගියදා වාසුදේව නානායක්කාර මහතාද පැවසුවේ තමන්ගේ අරමුණ පොහොට්ටුවෙන් ගිලිහෙන ඡන්දදායකයිනට සෙවනක් ඇති තැනක් නිර්මාණය කිරීම බවත් ඔවුන්ට සජබට හෝ ජනතා විමුක්ති පෙරමුණට එකතුවීමට ඉඩදිය නොහැකි බවයි.
The post විමල්ට – උදයට ඇමැති ආරක්ෂාව ඇතුළු ඇමති වරප්‍රසාද දිගටම.. 11 කල්ලිය ආණ්ඩුවේ පිල්ලියක් බව තහවුරු වෙයි (වීඩියෝ) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka