විදෙස් ගමන් තහනමකට ලක්වී සිටින නාමල් රාජපක්ෂ නීතිය නමා ඩුබායි බලා පිටත්වේ.

තරුණ හා ක්‍රීඩා කටයුතු ඇමති නාමල් රාජපක්ෂ මහතා අද(07) දින ඩුබායි බලා විදෙස්ගතවීමට කටුනායක ගුවන්තොටුපොලට පැමිණි අවස්ථාවේ ඔහුට පනවා ඇති ආගමන විගමණ තහනම හේතුවෙන් ගුවන්තොටුපල බලධාරීන් විදෙස්ගතවීමට ඉඩලබාදී නොමැත. කෙසේ වෙතත් මෙම අවස්ථාවේ නාමල් රාජපක්ෂ මහතා ගුවන් තොටුපලේ රදවා ගත්තද සංචාරක හා සිවිල් ගුවන්සේවා තොටුපල බාර අමාත්‍ය ප්‍රසන්න රණතුංග මහතාගේ මැදිහත්වීම මත නාමල් රාජපක්ෂ මහතාට ඩුබායි බලා යන ගුවන් යානයට ගොඩවීමට බලධාරීන් අවසර ලබාදී තිබේ.

පාර්ලිමේන්තු මන්ත්‍රීවරයෙකු ලෙස කටයුතු කරමින් අයථා ලෙස උපයාගත් රුපියල් මිලියන 15 ක මුදලක් එන් ආර්. කන්සල්ටන්සි නැමති සමාගමක ආයෝජනය කිරීම තුළින් මුදල් විශුද්ධිකරණය වැළැක්වීමේ පනත යටතේ වරදක් සිදු කළේ යැයි චෝදනා කරමින් පාර්ලිමේන්තු මන්ත්‍රී නාමල් රාජපක්ෂ හට අධිකරණය විසින් විදෙස් ගමන් තයනමක් පනවා තිබුණි.

අධිකරණය විසින් පණවා තිබූ විදේශ ගමන් තහනම 2020 පෙබරවාරි 27දා තාවකාලිකව 2020 ජූලි මස 23 වන දා දක්වා ඉවත්කරන ලෙස කොළඹ ප්‍රධාන මහේස්ත්‍රාත් ලංකා ජයරත්න මෙනවිය මීට නියෝගයක් කර තිබුණි. ඉන් පසුව 2020 ජූලි 24 සිට එම විදෙස් ගමන් තහනම නැවත බලාත්මක විය.

අධිකරණය විසින් මෙසේ ගුවන් ගමන් තහනමකට ලක්කර සිටින නාමල් රාජපක්ෂ මහතා නීති විරෝධි ලෙස ඩුබායි බලා පිටත්විම සම්බන්දයෙන් මේ වනවිට සමාජජාල තුලද කතාබහක් නිර්මාණයවී තිබේ.

2020 ජූලි 24 වනවිට නාමල් රාජපක්ෂ මහතා තම ගුවන් ගමන් බලපත්‍රය නැවත අධිකරණයට බාරදිය යුතු නමුත් ඔහු එය උල්ලංඝණය කර ඇති බව මේ අනුව පෙනී යයි.

කෙසේ වෙතත් නැවත වරක් මෙයින් තහවුරු වන්නේ මෙරට නීතිය සමාන්‍ය ජනතාවට එක් විදිහකටත් මැති ඇමතිවරු ඇතුළු ප්‍රභූ යැයි කියාගන්නා අයට වෙනත් ආකාරයටත් ක්‍රියාත්මක වන බවයි.

The post විදෙස් ගමන් තහනමකට ලක්වී සිටින නාමල් රාජපක්ෂ නීතිය නමා ඩුබායි බලා පිටත්වේ. appeared first on ColomboXnews.