ඇමති ධූර අහිමිකරගත් අමාත්‍ය විමල්වීරවංශගේ බිරිය ශෂී වීරවංශගේ ව්‍යාජ පාස්පෝට් නඩුවේ තීන්දුව අද (10) අධිකරණය මගින් ලබාදෙන්නට නියමිත අතර දැනට පෙනීයන අධිකරණ තීන්දු රටාව අනුව කොළඹ ප්‍රධාන මහේස්ත්‍රාත් අධිකරණය ඇයට නිවැරදි තීන්දුවම ලබාදෙනු ඇති බවට දේශපාලන ආරංචි හෙලි කර තිබේ.
වර්ෂ 2010ක් වූ සැප්තැම්බර් මස 13 වැනිදා සහ 2015 පෙබරවාරි මස 26 වැනිදා අතර කාලය තුළදී ආගමන විගමන දෙපාර්තමේන්තුව වෙත ව්‍යාජ තොරතුරු ඉදිරිපත් කරමින් රාජ්‍යතාන්ත්‍රික විදෙස් ගමන් බලපත්‍රයක් ලබාගැනීම ශෂී වීරවංශට ඇති චෝදනාවයි.
ඉදිරිපත් කරන ලද අයදුම් පත්‍රයේ සහ සාමාන්‍ය විදේශ ගමන් බලපත්‍රයේ උපන්දින හැටියට වර්ෂ දෙකක් ඇතුළත්ව තිබුණ බව හිටපු ආගමන හා විගමන පාලක චූලානන්ද පෙරේරා කොළඹ මහේස්ත්‍රාත් අධිකරණය හමුවේ මීට පෙර සාක්ෂි දී තිබිණි.
ශෂී වීරවංශ 1967 වසරේ ඉපිද ඇති නමුත් එයද 1971 දී උපත ලැබූ බවට වෙනස් කරගෙන ඇති බවත් විමල්ද උපන් දිනය වෙනස්කරගෙන දරුවන්ගේ උපන්දිනද වෙනස් කරගෙන ඇති බවත් නඩු විභාගය අතරදී අනාවරණය විය.
රජයේ නීතිඥවරයාගේ මෙහෙයවීම යටතේ සාක්ෂි දුන් හිටපු ආගමන හා විගමන පාලක චූලානන්ද පෙරේරා “තම බිරිඳට රාජ්‍යතාන්ත්‍රික විදේශ ගමන් බලපත්‍රයක් ලබාදෙන” මෙන් එවකට නිවාස හා ඉදිකිරීම් ඇමති පදවියේ කටයුතු කළ විමල් වීරවංශ මහතා දුරකථනයෙන් තමාගෙන් ඉල්ලීමක් කළ බවද අධිකරණයට දැනුම් දී තිබූ අතර මෙම නඩුව අනුව විමල්ගේ බිරිය මෙන්ම විමල්ද වැරදි කර ඇති බවට කරුනු ගොනුවී තිබේ.
නඩු තීන්දුව අද දින ලැබෙන්නේ කොළඹ ප්‍රධාන මහේස්ත්‍රාත් බුද්ධික සී. රාගල මහතා හමුවේ ය.
The post ව්‍යාජ පාස්පෝට් නඩුවේ තීන්දුව අද – විමල්ගෙ බිරිඳ සිරගෙට..? appeared first on ColomboXnews.
Source From Colomboxnews
Author: Kamal Dhammika
#SriLanka #News #lka