රජයේ වෛද්‍ය නිලධාරීන්ගේ සංගමයේ නව සභාපතිවරයා වශයෙන් විශේෂඥ වෛද්‍ය දර්ශන සිරිසේන මහතා පත්වී තිබේ. එහි නව ලේකම්වරයා වන්නේ වෛද්‍ය හරිත අලුත්ගේ මහතා ය.
පසුගිය වසර 12ක් තිස්සේ එහි සභාපතිත්වය දැරූ අනුරුද්ධ පාදෙනිය මහතා මෙවර නිලවරණයට ඉදිරිපත්ව සිටියේ නැත. ජනාධිපති ගෝඨාභය රාජපක්ෂට හා පොදුජන පෙරමුණට සමීපව වැඩ කිරීම හේතුවෙන් ඔහුට එරෙහිව විශාල සමාජ විරෝධයක් එල්ලවී තිබීම ඊට හේතුවිය.
පාදෙනිය මහතාගේ පාලනයෙහි අවසන් සමය තුළ රජයේ වෛද්‍ය නිලධාරීන්ගේ සංගමය ශ්‍රී ලංකා පොදුජන පෙරමුණට අනුබද්ධ වෘත්තීය සමිතියක මට්ටමට වැටුණු අතර ජනතාව අතර බලවත් අප්‍රසාදයකට ද පත්විය. අද වනවිට රට මුහුණ පා සිටින ආහාර හිඟයට මුල පුරමින් රසායනික පොහොර තහනම් කිරීමට ජනාධිපතිවරයාව පෙළඹවූ අය අතර පාදෙනිය මහතා ද ඉදිරියෙන්ම සිටියේය.
The post වසර 12ක ‘කාබනික පාදෙනිය‘ ගේ GMOA පාලනය අවසන්…! නව සභාපති ලෙස වෛද්‍ය දර්ශන සිරිසේන පත්වෙයි (වීඩියෝ) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka