ලොව වේගවත්ම මිනිසා ලෙස ඔලිම්පික් රන් පදක්කම ඉතාලියේ ජේකොබ්ස් මාර්සෙල්ට

වසර ගණනාවකට පසු ජැමෙයිකාවේ ආදිපත්‍යයයෙන් ඔලිම්පික් රන් පදක්කම ඉතාලිය සතු කරගන්නට ඉතාලියේ ජේකොබ්ස් මාර්සෙල් සමත් වුණා. ඒ මීටර් 100 තරග ඉසව්ව තත්පර 9.80ක කාලයකින් නිමා කරමින්

ටෝකියෝ ඔලිම්පික් උළෙලේ අද පැවති පිරිමි මීටර් 100 ඉසව්ව ජයග්‍රහණය කිරීමට ඉතාලියේ මර්සෙල් ජැකොබ් සමත් විය. අවසන් තරගයේදී ඔහු ඒ සඳහා වැයකළ කාලය තත්පර 9.80 කි.

රිදී පදක්කම ඇමරිකාවේ ෆ්‍රෙඩ් කර්ලිට හිමි වූ අතර ලෝකඩ පදක්කම කැනඩාවේ ඇන්ඩ්‍රි ඩි’ග්‍රේස් හිමිකර ගත්තේය.අවසන් පූර්ව වටයේදී හොඳම කාලය වාර්තා කළ චීනයේ බින්ග්ටියන් සූ අවසන් තරගයේදී දැඩි පසුබෑමකට ලක්වීම විශේෂ සිදුවීමකි. ඔහු අවසන් පූර්ව තරගයේදී තත්පර 9.83 ක කාලයක් වාර්තා කළ නමුත් අවසන් තරගයේදී ඔහුගේ තරග නිමි කාලය සටහන් වූයේ 9.98 ක් ලෙසයි.

තත්පර 9.83 කින් අවසන් පූර්ව වටය සමත් වූ ඇමරිකාවේ රොනී බේකර් ද අවසන් තරගයේදී පසුබෑමට ලක් වූ අතර ඔහු එහිදී තත්පර 9.95 ක් ගත කරමින් පස්වැනි ස්ථානයට පත් විය.

පසුගිය ඔලිම්පික් තරගාවලි කිහිපය පුරා මෙම ඉසව්වේ ආධිපත්‍යය දරමින් සිටි ජැමෙයිකාව මෙන්ම ඇමරිකාවද දැඩි පසුබෑමකට ලක්ව සිටින අතර ජැමෙයිකාවේ යොහාන් බ්ලේක් අවසන් පූර්ව තරගයේදීම පරාජයට පත් විය.

The post ලොව වේගවත්ම මිනිසා ලෙස ඔලිම්පික් රන් පදක්කම ඉතාලියේ ජේකොබ්ස් මාර්සෙල්ට appeared first on ColomboXnews.