ලීසිං මාෆියාව යලිත් හිස ඔසවයි..! ලීසිං මැරයෝ මගේ දරුවගේ බෙල්ල මිරිකුවා – මව කඳුළු සලමින් කියයි (වීඩියෝ)

ලීසිං ආයතන විසින් යෙදවූ මැරයන් පිරිසක් විසින් වාහනයක් රැගෙන යාමට උත්සහ කිරීමක් අතරතුර දරුවෙකු ප්‍රාණ ඇපකරුවෙකු ලෙස තබාගෙන ඔහුට වධ හිංසා පැමිණූ අවස්ථාවක් පිළිබඳව වාර්තා වනවා.

එම දරුවාගේ මව පවසන්නේ එම මැරයන් විසින් දරුවාගේ ඇඟ උඩට නැග ඔහුගේ ගෙල සිර කළ බවයි.

මේ වන විට මීගමුව රෝහලේ ප්‍රතිකාර ලබන එම දරුවාට සිදුවූ කායික හිරිහැර කිරීම් වලට අමතරව ඔහු මානසිකවද වැටී ඇති බවයි මව පවසා සිටින්නේ. දරුවාගේ අධ්‍යාපනයද කඩාකප්පල් වී ඇති බවත් ඔහු වරින් වර රාත්‍රියේ බිය වී අවදි වන බවත් ඇය පවසනවා.

ලීසිං ආයතන විසින් යොදවා ගන්නා මැරයින්ගේ ක්‍රියාකාරකම් වල දරුණු බව දිනෙන් දිනම ඉහළ යමින් පවතින තත්වයක් වාර්තා වන්නේ කොවිඩ් වසංගතය හේතුවෙන් මුළු මහත් රටක්ම අසරණ වී ඇති තත්වයක් තුලදීය. මෙවැනි මැරයින් සහ සමාගම් වෙනුවෙන් නීතිය ක්‍රියාත්මක විය යුතු බවත් ඇය පවසනවා.

“අද මගේ දරුවට වෙච්ච දේ හෙට ඔබේ දරුවට වෙන්න පුළුවන්. මම හිතනවා ජනාධිපතිතුමාට මේ ප්‍රශ්නෙ තේරෙනවා කියලා. එතුමා මේ සම්බන්ධයෙන් යමක් කරයි කියලා මම බලාපොරොත්තු වෙනවා” යැයි ඇය පවසයි.

The post ලීසිං මාෆියාව යලිත් හිස ඔසවයි..! ලීසිං මැරයෝ මගේ දරුවගේ බෙල්ල මිරිකුවා – මව කඳුළු සලමින් කියයි (වීඩියෝ) appeared first on ColomboXnews.