ඉන්දියාවේ රෝ ඔත්තු සේවය ශ්‍රී ලංකාව තුළ ප්‍රබලව ක්‍රියාත්මක වන බව ආචාර්ය නීතීඥ ප්‍රතිභා මහානාමහේවා මහතා පෙන්වා දෙයි.
හිටපු මානව හිමිකම් කොමසාරිස්වරයා ද වන මහානාමහේවා මහතා වැඩිදුරටත් සදහන් කරන්නේ ශ්‍රී ලංකාව තුල නළියන පොපියන දේශපාලනය පිළිබඳව මනා අවබෝධයක් රෝ ඔත්තු සේවය සතුව තිබෙන බවය.
ශ්‍රී ලංකාව තුළ භාරතීය ජනතා පක්ෂයේ ශාඛාවක් පිහිටුවීම සම්බන්ධයෙන් ඉන්දියාවේ සෑම මාධ්‍යයක් තුළම ප්‍රචාරයක් ලබා දෙන බව පෙන්වා දෙන මහානාමහේවා මහතා ඒ සම්බන්ධයෙන් භාරතීය ජනතා පක්ෂය කිසිදු ප්‍රතිචාරයක් නොදක්වන බව ද සඳහන් කරයි.
ආර්ථික පැත්තෙන් කර ගැනීමට බැරි වූ දේ දේශපාලන පැත්තෙන් කරගැනීමට ඉන්දියාව ගන්නා උත්සාහයක් බව මෙම යෝජනාවෙන් පෙනී යන බවද මහානාමහේවා මහතාගේ මතය වී තිබේ.
මෝදී අග්‍රාමාත්‍යවරයා ද ඉන්දියාවේ තමිල්නාඩුවට පැමිණ ශ්‍රී ලංකාවේ දෙමළ සහෝදරවරුන්ගේ අභිලාෂයන් ඒ අයුරින්ම ඉටු කර දෙන බවට බලාපොරොත්තුවක්ද ලබාදුන් බව මහානාමහේවා මහතා වැඩිදුරටත් සඳහන් කරයි.
ඉන් හැඟෙන්නේ ශ්‍රී ලංකාවේ දෙමළ ජනතාවගේ අභිලාෂයන් ඉටුකිරීම දෙමළ ජාතික සන්ධානයට හෝ වෙනත් දෙමළ පක්ෂ වලට කළ නොහැකි බව ඉන්දියාව පිළිගන්නා බව තහවුරු වීමක් බව ද මහානාමහේවා මහතාගේ අදහස වී තිබේ.
මහානාමහේවා මහතා මෙම අදහස් පළ කළේ ඒෂියන් මිරර් සමඟ සාකච්ඡාවකට එක්වෙමිනි.
The post රෝ ඔත්තු සේවය ශ්‍රී ලංකාවේ තදින්ම ක්‍රියාත්මකයි – ලංකාවේ නලියන පොපියන දේශපාලනය ගැන ඔවුන් හොඳින් දන්නවා (VIDEO) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka