රෝයල් පාර්ක් මිනීමැරුම් නඩුව සම්බන්ධයෙන් මරණීය දණ්ඩනය ලබාසිටි ජූඩ් ශ්‍රමන්ත ජයමාන්න නමැත්තාට පොදු සමාව ප්‍රදානය කර නිදහස් කිරීමට හිටපු ජනාධිපති මෛත්‍රීපාල සිරිසේන මහතා ගත් තීරණය ආණ්ඩුකම ව්‍යවස්ථාවට පටහැනි යැයි ප්‍රකාශ කරන මෙන් ඉල්ලා ගොනු කර ඇති මූලික අයිතිවාසිකම් පෙත්සම ජනවාරි මස 19 වන දා සලකා බැලීම සඳහා කැඳවන ලෙස ශ්‍රේෂ්ඨාධිකරණ නියම කළේය.
කාන්තා මාධ්‍ය සංවිධානය විසින් ගොනු කර තිබූ එම පෙත්සමේ වගඋත්තරකරුවන් ලෙස හිටපු ජනාධිපති මෛත්‍රීපාල සිරිසේන, බන්ධනාගාර කොමසාරිස් ජනරාල්වරයා, නීතිපතිවරයා ඇතුළු පිරිසක් නම් කර තිබේ.
එම පෙත්සම අද (28) අගවිනිසුරු ජයන්ත ජයසූරිය, බුවනෙක අලුවිහාරේ සහ එස්. තුරෙයිරාජා යන මහත්වරුන්ගෙන් සමන්විත ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල ඉදිරියේ කැඳවනු ලැබීය.
The post රෝයල් පාර්ක් මිනීමැරුම් නඩුවේ ජූඩ් ශ්‍රමන්තව ජනාධිපති සමාව යටතේ නිදහස් කල මෛත්‍රීට එරෙහි නඩු ජනවාරි 19 විභාගයට appeared first on ColomboXnews.
Source From Colomboxnews
Author: Kamal Dhammika
#SriLanka #News #lka